God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות ל״ב:י״ג

    זכר לאברהם ליצחק ולישראל עבדיך אשר נשבעת להם בך ותדבר אלהם ארבה את זרעכם ככוכבי השמים וכל הארץ הזאת אשר אמרתי אתן לזרעכם ונחלו לעלם׃

  2. שְׁמֹות ל״ב:י״ד

    וינחם יהוה על הרעה אשר דבר לעשות לעמו׃

  3. שְׁמֹות ל״ב:ט״ז

    והלחת מעשה אלהים המה והמכתב מכתב אלהים הוא חרות על הלחת׃

  4. שְׁמֹות ל״ב:י״ח

    ויאמר אין קול ענות גבורה ואין קול ענות חלושה קול ענות אנכי שמע׃

  5. שְׁמֹות ל״ב:כ״ו

    ויעמד משה בשער המחנה ויאמר מי ליהוה אלי ויאספו אליו כל בני לוי׃

  6. שְׁמֹות ל״ב:כ״ז

    ויאמר להם כה אמר יהוה אלהי ישראל שימו איש חרבו על ירכו עברו ושובו משער לשער במחנה והרגו איש את אחיו ואיש את רעהו ואיש את קרבו׃

  7. שְׁמֹות ל״ב:כ״ט

    ויאמר משה מלאו ידכם היום ליהוה כי איש בבנו ובאחיו ולתת עליכם היום ברכה׃

  8. שְׁמֹות ל״ב:ל׳

    ויהי ממחרת ויאמר משה אל העם אתם חטאתם חטאה גדלה ועתה אעלה אל יהוה אולי אכפרה בעד חטאתכם׃

  9. שְׁמֹות ל״ב:ל״א

    וישב משה אל יהוה ויאמר אנא חטא העם הזה חטאה גדלה ויעשו להם אלהי זהב׃

  10. שְׁמֹות ל״ב:ל״ב

    ועתה אם תשא חטאתם ואם אין מחני נא מספרך אשר כתבת׃

  11. שְׁמֹות ל״ב:ל״ג

    ויאמר יהוה אל משה מי אשר חטא לי אמחנו מספרי׃

  12. שְׁמֹות ל״ב:ל״ד

    ועתה לך נחה את העם אל אשר דברתי לך הנה מלאכי ילך לפניך וביום פקדי ופקדתי עליהם חטאתם׃

  13. שְׁמֹות ל״ב:ל״ה

    ויגף יהוה את העם על אשר עשו את העגל אשר עשה אהרן׃

  14. שְׁמֹות ל״ג:א׳

    ¶ וידבר יהוה אל משה לך עלה מזה אתה והעם אשר העלית מארץ מצרים אל הארץ אשר נשבעתי לאברהם ליצחק וליעקב לאמר לזרעך אתננה׃

  15. שְׁמֹות ל״ג:ב׳

    ושלחתי לפניך מלאך וגרשתי את הכנעני האמרי והחתי והפרזי החוי והיבוסי׃

  16. שְׁמֹות ל״ג:ג׳

    אל ארץ זבת חלב ודבש כי לא אעלה בקרבך כי עם קשה ערף אתה פן אכלך בדרך׃

  17. שְׁמֹות ל״ג:ה׳

    ויאמר יהוה אל משה אמר אל בני ישראל אתם עם קשה ערף רגע אחד אעלה בקרבך וכליתיך ועתה הורד עדיך מעליך ואדעה מה אעשה לך׃

  18. שְׁמֹות ל״ג:ז׳

    ומשה יקח את האהל ונטה לו מחוץ למחנה הרחק מן המחנה וקרא לו אהל מועד והיה כל מבקש יהוה יצא אל אהל מועד אשר מחוץ למחנה׃

  19. שְׁמֹות ל״ג:ט׳

    והיה כבא משה האהלה ירד עמוד הענן ועמד פתח האהל ודבר עם משה׃

  20. שְׁמֹות ל״ג:י״א

    ודבר יהוה אל משה פנים אל פנים כאשר ידבר איש אל רעהו ושב אל המחנה ומשרתו יהושע בן נון נער לא ימיש מתוך האהל׃

  21. שְׁמֹות ל״ג:י״ב

    ויאמר משה אל יהוה ראה אתה אמר אלי העל את העם הזה ואתה לא הודעתני את אשר תשלח עמי ואתה אמרת ידעתיך בשם וגם מצאת חן בעיני׃

  22. שְׁמֹות ל״ג:י״ג

    ועתה אם נא מצאתי חן בעיניך הודעני נא את דרכך ואדעך למען אמצא חן בעיניך וראה כי עמך הגוי הזה׃

  23. שְׁמֹות ל״ג:י״ד

    ויאמר פני ילכו והנחתי לך׃

  24. שְׁמֹות ל״ג:ט״ו

    ויאמר אליו אם אין פניך הלכים אל תעלנו מזה׃

  25. שְׁמֹות ל״ג:ט״ז

    ובמה יודע אפוא כי מצאתי חן בעיניך אני ועמך הלוא בלכתך עמנו ונפלינו אני ועמך מכל העם אשר על פני האדמה׃