God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות ל״ט:כ״ו

    פעמן ורמן פעמן ורמן על שולי המעיל סביב לשרת כאשר צוה יהוה את משה׃

  2. שְׁמֹות ל״ט:כ״ט

    ואת האבנט שש משזר ותכלת וארגמן ותולעת שני מעשה רקם כאשר צוה יהוה את משה׃

  3. שְׁמֹות ל״ט:ל׳

    ויעשו את ציץ נזר הקדש זהב טהור ויכתבו עליו מכתב פתוחי חותם קדש ליהוה׃

  4. שְׁמֹות ל״ט:ל״א

    ויתנו עליו פתיל תכלת לתת על המצנפת מלמעלה כאשר צוה יהוה את משה׃

  5. שְׁמֹות ל״ט:ל״ב

    ותכל כל עבדת משכן אהל מועד ויעשו בני ישראל ככל אשר צוה יהוה את משה כן עשו׃

  6. שְׁמֹות ל״ט:מ״ב

    ככל אשר צוה יהוה את משה כן עשו בני ישראל את כל העבדה׃

  7. שְׁמֹות ל״ט:מ״ג

    וירא משה את כל המלאכה והנה עשו אתה כאשר צוה יהוה כן עשו ויברך אתם משה׃

  8. שְׁמֹות מ׳:א׳

    ¶ וידבר יהוה אל משה לאמר׃

  9. שְׁמֹות מ׳:י״ג

    והלבשת את אהרן את בגדי הקדש ומשחת אתו וקדשת אתו וכהן לי׃

  10. שְׁמֹות מ׳:ט״ו

    ומשחת אתם כאשר משחת את אביהם וכהנו לי והיתה להית להם משחתם לכהנת עולם לדרתם׃

  11. שְׁמֹות מ׳:ט״ז

    ויעש משה ככל אשר צוה יהוה אתו כן עשה׃

  12. שְׁמֹות מ׳:י״ט

    ויפרש את האהל על המשכן וישם את מכסה האהל עליו מלמעלה כאשר צוה יהוה את משה׃

  13. שְׁמֹות מ׳:כ״א

    ויבא את הארן אל המשכן וישם את פרכת המסך ויסך על ארון העדות כאשר צוה יהוה את משה׃

  14. שְׁמֹות מ׳:כ״ג

    ויערך עליו ערך לחם לפני יהוה כאשר צוה יהוה את משה׃

  15. שְׁמֹות מ׳:כ״ה

    ויעל הנרת לפני יהוה כאשר צוה יהוה את משה׃

  16. שְׁמֹות מ׳:כ״ז

    ויקטר עליו קטרת סמים כאשר צוה יהוה את משה׃

  17. שְׁמֹות מ׳:כ״ט

    ואת מזבח העלה שם פתח משכן אהל מועד ויעל עליו את העלה ואת המנחה כאשר צוה יהוה את משה׃

  18. שְׁמֹות מ׳:ל״ב

    בבאם אל אהל מועד ובקרבתם אל המזבח ירחצו כאשר צוה יהוה את משה׃

  19. שְׁמֹות מ׳:ל״ד

    ויכס הענן את אהל מועד וכבוד יהוה מלא את המשכן׃

  20. שְׁמֹות מ׳:ל״ה

    ולא יכל משה לבוא אל אהל מועד כי שכן עליו הענן וכבוד יהוה מלא את המשכן׃

  21. שְׁמֹות מ׳:ל״ח

    כי ענן יהוה על המשכן יומם ואש תהיה לילה בו לעיני כל בית ישראל בכל מסעיהם׃

  22. וַיִּקְרָא א׳:א׳

    ¶ ויקרא אל משה וידבר יהוה אליו מאהל מועד לאמר׃

  23. וַיִּקְרָא א׳:ב׳

    דבר אל בני ישראל ואמרת אלהם אדם כי יקריב מכם קרבן ליהוה מן הבהמה מן הבקר ומן הצאן תקריבו את קרבנכם׃

  24. וַיִּקְרָא א׳:ג׳

    אם עלה קרבנו מן הבקר זכר תמים יקריבנו אל פתח אהל מועד יקריב אתו לרצנו לפני יהוה׃

  25. וַיִּקְרָא א׳:ה׳

    ושחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשר פתח אהל מועד׃