God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות י״ג:ט״ו

    ויהי כי הקשה פרעה לשלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדה׃

  2. שְׁמֹות י״ג:ט״ז

    והיה לאות על ידכה ולטוטפת בין עיניך כי בחזק יד הוציאנו יהוה ממצרים׃

  3. שְׁמֹות י״ג:י״ז

    ויהי בשלח פרעה את העם ולא נחם אלהים דרך ארץ פלשתים כי קרוב הוא כי אמר אלהים פן ינחם העם בראתם מלחמה ושבו מצרימה׃

  4. שְׁמֹות י״ג:י״ח

    ויסב אלהים את העם דרך המדבר ים סוף וחמשים עלו בני ישראל מארץ מצרים׃

  5. שְׁמֹות י״ג:י״ט

    ויקח משה את עצמות יוסף עמו כי השבע השביע את בני ישראל לאמר פקד יפקד אלהים אתכם והעליתם את עצמתי מזה אתכם׃

  6. שְׁמֹות י״ג:כ״א

    ויהוה הלך לפניהם יומם בעמוד ענן לנחתם הדרך ולילה בעמוד אש להאיר להם ללכת יומם ולילה׃

  7. שְׁמֹות י״ד:א׳

    ¶ וידבר יהוה אל משה לאמר׃

  8. שְׁמֹות י״ד:ד׳

    וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשו כן׃

  9. שְׁמֹות י״ד:ח׳

    ויחזק יהוה את לב פרעה מלך מצרים וירדף אחרי בני ישראל ובני ישראל יצאים ביד רמה׃

  10. שְׁמֹות י״ד:י׳

    ופרעה הקריב וישאו בני ישראל את עיניהם והנה מצרים נסע אחריהם וייראו מאד ויצעקו בני ישראל אל יהוה׃

  11. שְׁמֹות י״ד:י״ג

    ויאמר משה אל העם אל תיראו התיצבו וראו את ישועת יהוה אשר יעשה לכם היום כי אשר ראיתם את מצרים היום לא תסיפו לראתם עוד עד עולם׃

  12. שְׁמֹות י״ד:י״ד

    יהוה ילחם לכם ואתם תחרישון׃

  13. שְׁמֹות י״ד:ט״ו

    ויאמר יהוה אל משה מה תצעק אלי דבר אל בני ישראל ויסעו׃

  14. שְׁמֹות י״ד:י״ז

    ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשיו׃

  15. שְׁמֹות י״ד:י״ח

    וידעו מצרים כי אני יהוה בהכבדי בפרעה ברכבו ובפרשיו׃

  16. שְׁמֹות י״ד:י״ט

    ויסע מלאך האלהים ההלך לפני מחנה ישראל וילך מאחריהם ויסע עמוד הענן מפניהם ויעמד מאחריהם׃

  17. שְׁמֹות י״ד:כ״א

    ויט משה את ידו על הים ויולך יהוה את הים ברוח קדים עזה כל הלילה וישם את הים לחרבה ויבקעו המים׃

  18. שְׁמֹות י״ד:כ״ד

    ויהי באשמרת הבקר וישקף יהוה אל מחנה מצרים בעמוד אש וענן ויהם את מחנה מצרים׃

  19. שְׁמֹות י״ד:כ״ה

    ויסר את אפן מרכבתיו וינהגהו בכבדת ויאמר מצרים אנוסה מפני ישראל כי יהוה נלחם להם במצרים׃

  20. שְׁמֹות י״ד:כ״ו

    ויאמר יהוה אל משה נטה את ידך על הים וישבו המים על מצרים על רכבו ועל פרשיו׃

  21. שְׁמֹות י״ד:כ״ז

    ויט משה את ידו על הים וישב הים לפנות בקר לאיתנו ומצרים נסים לקראתו וינער יהוה את מצרים בתוך הים׃

  22. שְׁמֹות י״ד:ל׳

    ויושע יהוה ביום ההוא את ישראל מיד מצרים וירא ישראל את מצרים מת על שפת הים׃

  23. שְׁמֹות י״ד:ל״א

    וירא ישראל את היד הגדלה אשר עשה יהוה במצרים וייראו העם את יהוה ויאמינו ביהוה ובמשה עבדו׃

  24. שְׁמֹות ט״ו:א׳

    ¶ אז ישיר משה ובני ישראל את השירה הזאת ליהוה ויאמרו לאמר אשירה ליהוה כי גאה גאה סוס ורכבו רמה בים׃

  25. שְׁמֹות ט״ו:ב׳

    עזי וזמרת יה ויהי לי לישועה זה אלי ואנוהו אלהי אבי וארממנהו׃