God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות י׳:י׳

    ויאמר אלהם יהי כן יהוה עמכם כאשר אשלח אתכם ואת טפכם ראו כי רעה נגד פניכם׃

  2. שְׁמֹות י׳:י״א

    לא כן לכו נא הגברים ועבדו את יהוה כי אתה אתם מבקשים ויגרש אתם מאת פני פרעה׃

  3. שְׁמֹות י׳:י״ב

    ויאמר יהוה אל משה נטה ידך על ארץ מצרים בארבה ויעל על ארץ מצרים ויאכל את כל עשב הארץ את כל אשר השאיר הברד׃

  4. שְׁמֹות י׳:י״ג

    ויט משה את מטהו על ארץ מצרים ויהוה נהג רוח קדים בארץ כל היום ההוא וכל הלילה הבקר היה ורוח הקדים נשא את הארבה׃

  5. שְׁמֹות י׳:ט״ז

    וימהר פרעה לקרא למשה ולאהרן ויאמר חטאתי ליהוה אלהיכם ולכם׃

  6. שְׁמֹות י׳:י״ז

    ועתה שא נא חטאתי אך הפעם והעתירו ליהוה אלהיכם ויסר מעלי רק את המות הזה׃

  7. שְׁמֹות י׳:י״ח

    ויצא מעם פרעה ויעתר אל יהוה׃

  8. שְׁמֹות י׳:י״ט

    ויהפך יהוה רוח ים חזק מאד וישא את הארבה ויתקעהו ימה סוף לא נשאר ארבה אחד בכל גבול מצרים׃

  9. שְׁמֹות י׳:כ׳

    ויחזק יהוה את לב פרעה ולא שלח את בני ישראל׃

  10. שְׁמֹות י׳:כ״א

    ויאמר יהוה אל משה נטה ידך על השמים ויהי חשך על ארץ מצרים וימש חשך׃

  11. שְׁמֹות י׳:כ״ד

    ויקרא פרעה אל משה ויאמר לכו עבדו את יהוה רק צאנכם ובקרכם יצג גם טפכם ילך עמכם׃

  12. שְׁמֹות י׳:כ״ה

    ויאמר משה גם אתה תתן בידנו זבחים ועלות ועשינו ליהוה אלהינו׃

  13. שְׁמֹות י׳:כ״ו

    וגם מקננו ילך עמנו לא תשאר פרסה כי ממנו נקח לעבד את יהוה אלהינו ואנחנו לא נדע מה נעבד את יהוה עד באנו שמה׃

  14. שְׁמֹות י׳:כ״ז

    ויחזק יהוה את לב פרעה ולא אבה לשלחם׃

  15. שְׁמֹות י״א:א׳

    ¶ ויאמר יהוה אל משה עוד נגע אחד אביא על פרעה ועל מצרים אחרי כן ישלח אתכם מזה כשלחו כלה גרש יגרש אתכם מזה׃

  16. שְׁמֹות י״א:ג׳

    ויתן יהוה את חן העם בעיני מצרים גם האיש משה גדול מאד בארץ מצרים בעיני עבדי פרעה ובעיני העם׃

  17. שְׁמֹות י״א:ד׳

    ויאמר משה כה אמר יהוה כחצת הלילה אני יוצא בתוך מצרים׃

  18. שְׁמֹות י״א:ז׳

    ולכל בני ישראל לא יחרץ כלב לשנו למאיש ועד בהמה למען תדעון אשר יפלה יהוה בין מצרים ובין ישראל׃

  19. שְׁמֹות י״א:ט׳

    ויאמר יהוה אל משה לא ישמע אליכם פרעה למען רבות מופתי בארץ מצרים׃

  20. שְׁמֹות י״א:י׳

    ומשה ואהרן עשו את כל המפתים האלה לפני פרעה ויחזק יהוה את לב פרעה ולא שלח את בני ישראל מארצו׃

  21. שְׁמֹות י״ב:א׳

    ¶ ויאמר יהוה אל משה ואל אהרן בארץ מצרים לאמר׃

  22. שְׁמֹות י״ב:י״א

    וככה תאכלו אתו מתניכם חגרים נעליכם ברגליכם ומקלכם בידכם ואכלתם אתו בחפזון פסח הוא ליהוה׃

  23. שְׁמֹות י״ב:י״ב

    ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשה שפטים אני יהוה׃

  24. שְׁמֹות י״ב:י״ג

    והיה הדם לכם לאת על הבתים אשר אתם שם וראיתי את הדם ופסחתי עלכם ולא יהיה בכם נגף למשחית בהכתי בארץ מצרים׃

  25. שְׁמֹות י״ב:י״ד

    והיה היום הזה לכם לזכרון וחגתם אתו חג ליהוה לדרתיכם חקת עולם תחגהו׃