God

11,427 פסוקים · 2 בני משפחה

פסוקים המזכירים את God

סינון לפי ספר
  1. שְׁמֹות ח׳:ה׳

    ויאמר יהוה אל משה אמר אל אהרן נטה את ידך במטך על הנהרת על היארים ועל האגמים והעל את הצפרדעים על ארץ מצרים׃

  2. שְׁמֹות ח׳:ח׳

    ויקרא פרעה למשה ולאהרן ויאמר העתירו אל יהוה ויסר הצפרדעים ממני ומעמי ואשלחה את העם ויזבחו ליהוה׃

  3. שְׁמֹות ח׳:י׳

    ויאמר למחר ויאמר כדברך למען תדע כי אין כיהוה אלהינו׃

  4. שְׁמֹות ח׳:י״ב

    ויצא משה ואהרן מעם פרעה ויצעק משה אל יהוה על דבר הצפרדעים אשר שם לפרעה׃

  5. שְׁמֹות ח׳:י״ג

    ויעש יהוה כדבר משה וימתו הצפרדעים מן הבתים מן החצרת ומן השדת׃

  6. שְׁמֹות ח׳:ט״ו

    וירא פרעה כי היתה הרוחה והכבד את לבו ולא שמע אלהם כאשר דבר יהוה׃

  7. שְׁמֹות ח׳:ט״ז

    ויאמר יהוה אל משה אמר אל אהרן נטה את מטך והך את עפר הארץ והיה לכנם בכל ארץ מצרים׃

  8. שְׁמֹות ח׳:י״ט

    ויאמרו החרטמים אל פרעה אצבע אלהים הוא ויחזק לב פרעה ולא שמע אלהם כאשר דבר יהוה׃

  9. שְׁמֹות ח׳:כ׳

    ויאמר יהוה אל משה השכם בבקר והתיצב לפני פרעה הנה יוצא המימה ואמרת אליו כה אמר יהוה שלח עמי ויעבדני׃

  10. שְׁמֹות ח׳:כ״א

    כי אם אינך משלח את עמי הנני משליח בך ובעבדיך ובעמך ובבתיך את הערב ומלאו בתי מצרים את הערב וגם האדמה אשר הם עליה׃

  11. שְׁמֹות ח׳:כ״ב

    והפליתי ביום ההוא את ארץ גשן אשר עמי עמד עליה לבלתי היות שם ערב למען תדע כי אני יהוה בקרב הארץ׃

  12. שְׁמֹות ח׳:כ״ג

    ושמתי פדת בין עמי ובין עמך למחר יהיה האת הזה׃

  13. שְׁמֹות ח׳:כ״ד

    ויעש יהוה כן ויבא ערב כבד ביתה פרעה ובית עבדיו ובכל ארץ מצרים תשחת הארץ מפני הערב׃

  14. שְׁמֹות ח׳:כ״ה

    ויקרא פרעה אל משה ולאהרן ויאמר לכו זבחו לאלהיכם בארץ׃

  15. שְׁמֹות ח׳:כ״ו

    ויאמר משה לא נכון לעשות כן כי תועבת מצרים נזבח ליהוה אלהינו הן נזבח את תועבת מצרים לעיניהם ולא יסקלנו׃

  16. שְׁמֹות ח׳:כ״ז

    דרך שלשת ימים נלך במדבר וזבחנו ליהוה אלהינו כאשר יאמר אלינו׃

  17. שְׁמֹות ח׳:כ״ח

    ויאמר פרעה אנכי אשלח אתכם וזבחתם ליהוה אלהיכם במדבר רק הרחק לא תרחיקו ללכת העתירו בעדי׃

  18. שְׁמֹות ח׳:כ״ט

    ויאמר משה הנה אנכי יוצא מעמך והעתרתי אל יהוה וסר הערב מפרעה מעבדיו ומעמו מחר רק אל יסף פרעה התל לבלתי שלח את העם לזבח ליהוה׃

  19. שְׁמֹות ח׳:ל׳

    ויצא משה מעם פרעה ויעתר אל יהוה׃

  20. שְׁמֹות ח׳:ל״א

    ויעש יהוה כדבר משה ויסר הערב מפרעה מעבדיו ומעמו לא נשאר אחד׃

  21. שְׁמֹות ט׳:א׳

    ¶ ויאמר יהוה אל משה בא אל פרעה ודברת אליו כה אמר יהוה אלהי העברים שלח את עמי ויעבדני׃

  22. שְׁמֹות ט׳:ג׳

    הנה יד יהוה הויה במקנך אשר בשדה בסוסים בחמרים בגמלים בבקר ובצאן דבר כבד מאד׃

  23. שְׁמֹות ט׳:ד׳

    והפלה יהוה בין מקנה ישראל ובין מקנה מצרים ולא ימות מכל לבני ישראל דבר׃

  24. שְׁמֹות ט׳:ה׳

    וישם יהוה מועד לאמר מחר יעשה יהוה הדבר הזה בארץ׃

  25. שְׁמֹות ט׳:ו׳

    ויעש יהוה את הדבר הזה ממחרת וימת כל מקנה מצרים וממקנה בני ישראל לא מת אחד׃