Abiathar

29 פסוקים · 3 בני משפחה

פסוקים המזכירים את Abiathar

1 שְׁמוּאֵל כ״ב:כ׳
וימלט בן אחד לאחימלך בן אחטוב ושמו אביתר ויברח אחרי דוד׃
1 שְׁמוּאֵל כ״ב:כ״א
ויגד אביתר לדוד כי הרג שאול את כהני יהוה׃
1 שְׁמוּאֵל כ״ב:כ״ב
ויאמר דוד לאביתר ידעתי ביום ההוא כי שם דויג האדמי כי הגד יגיד לשאול אנכי סבתי בכל נפש בית אביך׃
1 שְׁמוּאֵל כ״ג:ו׳
ויהי בברח אביתר בן אחימלך אל דוד קעילה אפוד ירד בידו׃
1 שְׁמוּאֵל כ״ג:ט׳
וידע דוד כי עליו שאול מחריש הרעה ויאמר אל אביתר הכהן הגישה האפוד׃
1 שְׁמוּאֵל ל׳:ז׳
ויאמר דוד אל אביתר הכהן בן אחימלך הגישה נא לי האפד ויגש אביתר את האפד אל דוד׃
2 שְׁמוּאֵל ח׳:י״ז
וצדוק בן אחיטוב ואחימלך בן אביתר כהנים ושריה סופר׃
2 שְׁמוּאֵל ט״ו:כ״ד
והנה גם צדוק וכל הלוים אתו נשאים את ארון ברית האלהים ויצקו את ארון האלהים ויעל אביתר עד תם כל העם לעבור מן העיר׃
2 שְׁמוּאֵל ט״ו:כ״ז
ויאמר המלך אל צדוק הכהן הרואה אתה שבה העיר בשלום ואחימעץ בנך ויהונתן בן אביתר שני בניכם אתכם׃
2 שְׁמוּאֵל ט״ו:כ״ט
וישב צדוק ואביתר את ארון האלהים ירושלם וישבו שם׃
2 שְׁמוּאֵל ט״ו:ל״ה
והלוא עמך שם צדוק ואביתר הכהנים והיה כל הדבר אשר תשמע מבית המלך תגיד לצדוק ולאביתר הכהנים׃
2 שְׁמוּאֵל ט״ו:ל״ו
הנה שם עמם שני בניהם אחימעץ לצדוק ויהונתן לאביתר ושלחתם בידם אלי כל דבר אשר תשמעו׃
2 שְׁמוּאֵל י״ז:ט״ו
ויאמר חושי אל צדוק ואל אביתר הכהנים כזאת וכזאת יעץ אחיתפל את אבשלם ואת זקני ישראל וכזאת וכזאת יעצתי אני׃
2 שְׁמוּאֵל י״ט:י״א
והמלך דוד שלח אל צדוק ואל אביתר הכהנים לאמר דברו אל זקני יהודה לאמר למה תהיו אחרנים להשיב את המלך אל ביתו ודבר כל ישראל בא אל המלך אל ביתו׃
2 שְׁמוּאֵל כ׳:כ״ה
ושיא ספר וצדוק ואביתר כהנים׃
1 מְלָכִים א׳:ז׳
ויהיו דבריו עם יואב בן צרויה ועם אביתר הכהן ויעזרו אחרי אדניה׃
1 מְלָכִים א׳:י״ט
ויזבח שור ומריא וצאן לרב ויקרא לכל בני המלך ולאביתר הכהן וליאב שר הצבא ולשלמה עבדך לא קרא׃
1 מְלָכִים א׳:כ״ה
כי ירד היום ויזבח שור ומריא וצאן לרב ויקרא לכל בני המלך ולשרי הצבא ולאביתר הכהן והנם אכלים ושתים לפניו ויאמרו יחי המלך אדניהו׃
1 מְלָכִים א׳:מ״ב
עודנו מדבר והנה יונתן בן אביתר הכהן בא ויאמר אדניהו בא כי איש חיל אתה וטוב תבשר׃
1 מְלָכִים ב׳:כ״ב
ויען המלך שלמה ויאמר לאמו ולמה את שאלת את אבישג השנמית לאדניהו ושאלי לו את המלוכה כי הוא אחי הגדול ממני ולו ולאביתר הכהן וליואב בן צרויה׃
1 מְלָכִים ב׳:כ״ו
ולאביתר הכהן אמר המלך ענתת לך על שדיך כי איש מות אתה וביום הזה לא אמיתך כי נשאת את ארון אדני יהוה לפני דוד אבי וכי התענית בכל אשר התענה אבי׃
1 מְלָכִים ב׳:כ״ז
ויגרש שלמה את אביתר מהיות כהן ליהוה למלא את דבר יהוה אשר דבר על בית עלי בשלה׃
1 מְלָכִים ב׳:ל״ה
ויתן המלך את בניהו בן יהוידע תחתיו על הצבא ואת צדוק הכהן נתן המלך תחת אביתר׃
1 מְלָכִים ד׳:ד׳
ובניהו בן יהוידע על הצבא וצדוק ואביתר כהנים׃
1 דִּבְרֵי הַיָּמִים ט״ו:י״א
ויקרא דויד לצדוק ולאביתר הכהנים וללוים לאוריאל עשיה ויואל שמעיה ואליאל ועמינדב׃

מציג 1–25 מתוך 29 פסוקים

1 2 הבא