פסוקים על Civil Officer

32 פסוקים · 2 היבטים

פסוקי מפתח

דְּבָרִים א׳:י״ג
הבו לכם אנשים חכמים ונבנים וידעים לשבטיכם ואשימם בראשיכם׃
דְּבָרִים א׳:י״ד
ותענו אתי ותאמרו טוב הדבר אשר דברת לעשות׃
דְּבָרִים א׳:ט״ו
ואקח את ראשי שבטיכם אנשים חכמים וידעים ואתן אתם ראשים עליכם שרי אלפים ושרי מאות ושרי חמשים ושרי עשרת ושטרים לשבטיכם׃
דְּבָרִים א׳:ט״ז
ואצוה את שפטיכם בעת ההוא לאמר שמע בין אחיכם ושפטתם צדק בין איש ובין אחיו ובין גרו׃
2 שְׁמוּאֵל ח׳:ט״ז
ויואב בן צרויה על הצבא ויהושפט בן אחילוד מזכיר׃
2 שְׁמוּאֵל ח׳:י״ז
וצדוק בן אחיטוב ואחימלך בן אביתר כהנים ושריה סופר׃
2 שְׁמוּאֵל ח׳:י״ח
ובניהו בן יהוידע והכרתי והפלתי ובני דוד כהנים היו׃
2 שְׁמוּאֵל כ׳:כ״ג
ויואב אל כל הצבא ישראל ובניה בן יהוידע על הכרי ועל הפלתי׃
2 שְׁמוּאֵל כ׳:כ״ד
ואדרם על המס ויהושפט בן אחילוד המזכיר׃
2 שְׁמוּאֵל כ׳:כ״ה
ושיא ספר וצדוק ואביתר כהנים׃
2 שְׁמוּאֵל כ׳:כ״ו
וגם עירא היארי היה כהן לדוד׃
1 מְלָכִים ד׳:א׳
¶ ויהי המלך שלמה מלך על כל ישראל׃
1 מְלָכִים ד׳:ב׳
ואלה השרים אשר לו עזריהו בן צדוק הכהן׃
1 מְלָכִים ד׳:ג׳
אליחרף ואחיה בני שישא ספרים יהושפט בן אחילוד המזכיר׃
1 מְלָכִים ד׳:ד׳
ובניהו בן יהוידע על הצבא וצדוק ואביתר כהנים׃
1 מְלָכִים ד׳:ה׳
ועזריהו בן נתן על הנצבים וזבוד בן נתן כהן רעה המלך׃
1 מְלָכִים ד׳:ו׳
ואחישר על הבית ואדנירם בן עבדא על המס׃
1 מְלָכִים ד׳:ז׳
ולשלמה שנים עשר נצבים על כל ישראל וכלכלו את המלך ואת ביתו חדש בשנה יהיה על אחד לכלכל׃
1 מְלָכִים ד׳:ח׳
ואלה שמותם בן חור בהר אפרים׃
1 מְלָכִים ד׳:ט׳
בן דקר במקץ ובשעלבים ובית שמש ואילון בית חנן׃
1 מְלָכִים ד׳:י׳
בן חסד בארבות לו שכה וכל ארץ חפר׃
1 מְלָכִים ד׳:י״א
בן אבינדב כל נפת דאר טפת בת שלמה היתה לו לאשה׃
1 מְלָכִים ד׳:י״ב
בענא בן אחילוד תענך ומגדו וכל בית שאן אשר אצל צרתנה מתחת ליזרעאל מבית שאן עד אבל מחולה עד מעבר ליקמעם׃
1 מְלָכִים ד׳:י״ג
בן גבר ברמת גלעד לו חות יאיר בן מנשה אשר בגלעד לו חבל ארגב אשר בבשן ששים ערים גדלות חומה ובריח נחשת׃
1 מְלָכִים ד׳:י״ד
אחינדב בן עדא מחנימה׃

מציג 1–25 מתוך 32 פסוקים

1 2 הבא