Mistari ya Biblia kuhusu Wicked

Mtu mwenye haki ni mwangalifu katika urafiki, bali njia ya waovu huwapotosha.

Haki humlinda mtu mwadilifu, bali uovu humwangusha mwenye dhambi.

Yeye anayedharau mafundisho anajiletea maangamizi, bali yeye anayeheshimu agizo hupewa tuzo.

Mjumbe mwovu huanguka kwenye taabu, bali mjumbe mwaminifu huleta uponyaji.

Tarajio lililotimizwa ni tamu kwa nafsi, bali wapumbavu huchukia sana kuacha ubaya.

Balaa humwandama mtenda dhambi, bali mafanikio ni thawabu kwa mwenye haki.

Wapumbavu hudhihaki kujirekebisha kutoka dhambi, bali wema hupatikana miongoni mwa wanyofu.

Watu wabaya watasujudu mbele ya watu wema, nao waovu kwenye malango ya wenye haki.

Je, wale wanaopanga ubaya hawapotoki? Bali wale wanaopanga kilicho chema hupata upendo na uaminifu.

Waovu huangamizwa kwa matendo yao maovu, bali hata katika kifo wenye haki hupata kimbilio.

Nyumba ya mwenye haki ina hazina kubwa, bali mapato ya waovu huwaletea taabu.

Bwana huchukia sana dhabihu za waovu, bali maombi ya wanyofu humfurahisha Mungu.

Bwana huchukia sana njia ya waovu, bali huwapenda wale wafuatao haki.

Adhabu kali humngoja yeye aachaye njia; yeye achukiaye maonyo atakufa.

Bwana yuko mbali na waovu, bali husikia maombi ya wenye haki.

Mtu akiziba masikio asisikie kilio cha maskini, yeye pia atalia, wala hatajibiwa.

Waovu huwa fidia kwa ajili ya wenye haki, nao wasio waaminifu kwa ajili ya wanyofu.

Mchana kutwa hutamani zaidi, lakini mnyofu hutoa pasipo kuzuia.

Dhabihu ya mtu mwovu ni chukizo, si zaidi sana itolewapo kwa nia mbaya!

Katika mapito ya waovu kuna miiba na mitego, bali yeye ailindaye nafsi yake hukaa mbali nayo.

Hata ukimtwanga mpumbavu kwenye kinu, ukimtwanga kama nafaka kwa mchi, hutauondoa upumbavu wake.

Mtu mwovu hukimbia ingawa hakuna yeyote anayemfukuza, bali wenye haki ni wajasiri kama simba.

Wale waiachao sheria huwasifu waovu, bali wale waishikao sheria huwapinga.

Watu wabaya hawaelewi haki, bali wale wamtafutao Bwana wanaielewa kikamilifu.

Kama mtu yeyote akikataa kusikia sheria, hata maombi yake ni chukizo.