circa 1900–1700 BC

Jacob, Joseph & Egypt

Jacob wrestles with God and becomes Israel; Joseph is sold into slavery yet rises to save the world from famine.

840 vargje · 1 libër i përfshirë

Vargje nga kjo periudhë

Rendi i Shkrimit Sipas datës
  1. Zanafilla 37:35rreth 1728 p.e.s.

    Dhe të gjithë bijtë dhe të gjitha bijat e tij erdhën për ta ngushëlluar, por ai nuk pranoi të ngushëllohet dhe tha: "Unë do të zbres në Sheol pranë birit tim për të mbajtur zi". Kështu e qau i ati.

  2. Zanafilla 37:36rreth 1728 p.e.s.

    Ndërkaq Madianitët e shitën Jozefin në Egjipt dhe ia shitën Potifarit, oficer i Faraonit dhe kapiten i rojeve.

  3. Zanafilla 38:1rreth 1739 p.e.s.

    Por në atë kohë ndodhi që Juda la vëllezërit e tij dhe shkoi të rrijë me një burrë nga Adullami, që quhej Hirah.

  4. Zanafilla 38:2rreth 1739 p.e.s.

    Kur Juda pa vajzën e një burri Kananean të quajtur Shua e mori për grua dhe u bashkua me të.

  5. Zanafilla 38:3rreth 1738 p.e.s.

    Dhe ajo u ngjiz dhe lindi një bir, që ajo e quajti Er.

  6. Zanafilla 38:4rreth 1737 p.e.s.

    Pastaj ajo u ngjiz dhe lindi një bir, që ai e quajti Onan.

  7. Zanafilla 38:5rreth 1736 p.e.s.

    Ajo u ngjiz përsëri dhe lindi një bir, të cilit i vuri emrin Shelah. Juda ishte në Kecib kur ajo lindi.

  8. Zanafilla 38:6rreth 1736 p.e.s.

    Pastaj Juda i dha Erit të parëlindurit të tij, një grua të quajtur Tamara.

  9. Zanafilla 38:7rreth 1736 p.e.s.

    Por Eri, i parëlinduri i Judës, ishte i keq në sytë e Zotit dhe Zoti e bëri të vdesë.

  10. Zanafilla 38:8rreth 1722 p.e.s.

    Atëherë Juda i tha Onanit: "Shko te gruaja e vëllait tënd, martohu me të dhe krijoi trashëgimtarë vëllait tënd".

  11. Zanafilla 38:9rreth 1722 p.e.s.

    Por Onani, duke ditur se këta pasardhës nuk kishin për të qënë të vetët, kur bashkohej me gruan e të vëllait, e hidhte farën e tij përtokë për të mos i dhënë pasardhës vëllait të tij.

  12. Zanafilla 38:10rreth 1722 p.e.s.

    Kjo nuk i pëlqeu Zotit, që e bëri të vdesë edhe atë.

  13. Zanafilla 38:11rreth 1722 p.e.s.

    Atëherë Juda i tha Tamarës, nuses së birit të tij: "Rri si e ve në shtëpinë e atit tënd, deri sa biri im Shelah të rritet". Sepse mendonte: "Kam frikë se edhe ai ka për të vdekur si vëllezërit e tij". Kështu Tamara u nis dhe banoi në shtëpinë e të atit.

  14. Zanafilla 38:12rreth 1722 p.e.s.

    Mbas një kohe të gjatë vdiq gruaja e Judës, që ishte e bija e Shuas; kur mbaroi zinë, Juda u ngjit tek ata që qethnin delet e tij në Timnah bashkë me mikun e tij Hirah, i quajtur Adullamiti.

  15. Zanafilla 38:13rreth 1722 p.e.s.

    Këtë e mori vesh Tamara dhe asaj i thanë: "Ja, vjehrri yt po ngjitet në Timnah për të qethur delet e tij".

  16. Zanafilla 38:14rreth 1722 p.e.s.

    Atëherë ajo hoqi rrobat e saj të vejërisë, u mbulua me një velo dhe u mbështoll e tëra; pastaj u ul te porta e Enaimit, që ndodhet në rrugën drejt Timnahut; në fakt ajo kishte parë që Shelahu ishte rritur më në fund, por ajo nuk i ishte dhënë për grua.

  17. Zanafilla 38:15rreth 1722 p.e.s.

    Sa e pa Juda mendoi që ajo ishte prostitutë, sepse e kishte fytyrën të mbuluar.

  18. Zanafilla 38:16rreth 1722 p.e.s.

    Prandaj ai iu afrua asaj në rrugë dhe i tha: "Lërmë të hyj te ti". Në të vërtetë nuk e dinte se ajo ishte nusja e djalit të tij. Ajo iu përgjegj: "Çfarë do të më japësh për të hyrë tek unë?"

  19. Zanafilla 38:17rreth 1722 p.e.s.

    Atëherë ai i tha: "Do të të dërgoj një kec nga kopeja ime". Ajo e pyeti: "A më jep një peng deri sa të ma dërgosh?".

  20. Zanafilla 38:18rreth 1722 p.e.s.

    Ai i tha: "Çfarë pengu duhet të të jap?". Ajo u përgjegj: "Vulën tënde, kordonin tënd dhe bastunin që ke në dorë". Ai ia dha, hyri te ajo dhe ajo u ngjiz me të.

  21. Zanafilla 38:19rreth 1722 p.e.s.

    Pastaj ajo u ngrit dhe iku; hoqi velin dhe veshi përsëri rrobat e saj të vejërisë.

  22. Zanafilla 38:20rreth 1722 p.e.s.

    Por Juda i dërgoi kecin me anë të mikut të tij, Adulamitit, për të rimarë pengun nga duart e asaj gruaje; po ai nuk e gjeti atë.

  23. Zanafilla 38:21rreth 1722 p.e.s.

    Atëherë pyeti njerëzit vendas duke thënë: "Ku është ajo prostitutë që rrinte në Enaim, në rrugë?". Ata u përgjigjën: "Nuk ka pasur asnjë prostitutë këtu".

  24. Zanafilla 38:22rreth 1722 p.e.s.

    Kështu ai u kthye te Juda dhe i tha: "Nuk e gjeta; veç kësaj vendasit më thanë: "Nuk ka pasur asnjë prostitutë këtu"".

  25. Zanafilla 38:23rreth 1722 p.e.s.

    Atëherë Juda tha: "Le ta mbajë, pra, pengun që i dhashë, sepse nuk duam të mbulohemi me turp. Ja, unë i dërgova këtë kec dhe ti nuk e gjete".