פסוקים על Sieges

134 פסוקים · 63 היבטים

פסוקי מפתח

סינון לפי ספר
  1. יְהוֹשֻעַ י׳:ל״ד

    ויעבר יהושע וכל ישראל עמו מלכיש עגלנה ויחנו עליה וילחמו עליה׃

  2. יְהוֹשֻעַ י׳:ל״ה

    וילכדוה ביום ההוא ויכוה לפי חרב ואת כל הנפש אשר בה ביום ההוא החרים ככל אשר עשה ללכיש׃

  3. יְהוֹשֻעַ י׳:ל״ו

    ויעל יהושע וכל ישראל עמו מעגלונה חברונה וילחמו עליה׃

  4. יְהוֹשֻעַ י׳:ל״ז

    וילכדוה ויכוה לפי חרב ואת מלכה ואת כל עריה ואת כל הנפש אשר בה לא השאיר שריד ככל אשר עשה לעגלון ויחרם אותה ואת כל הנפש אשר בה׃

  5. יְהוֹשֻעַ י׳:ל״ח

    וישב יהושע וכל ישראל עמו דברה וילחם עליה׃

  6. יְהוֹשֻעַ י׳:ל״ט

    וילכדה ואת מלכה ואת כל עריה ויכום לפי חרב ויחרימו את כל נפש אשר בה לא השאיר שריד כאשר עשה לחברון כן עשה לדברה ולמלכה וכאשר עשה ללבנה ולמלכה׃

  7. שֹׁפְטִים ט׳:ל״ד

    ויקם אבימלך וכל העם אשר עמו לילה ויארבו על שכם ארבעה ראשים׃

  8. שֹׁפְטִים ט׳:מ״ג

    ויקח את העם ויחצם לשלשה ראשים ויארב בשדה וירא והנה העם יצא מן העיר ויקם עליהם ויכם׃

  9. שֹׁפְטִים ט׳:מ״ד

    ואבימלך והראשים אשר עמו פשטו ויעמדו פתח שער העיר ושני הראשים פשטו על כל אשר בשדה ויכום׃

  10. שֹׁפְטִים ט׳:מ״ה

    ואבימלך נלחם בעיר כל היום ההוא וילכד את העיר ואת העם אשר בה הרג ויתץ את העיר ויזרעה מלח׃

  11. שֹׁפְטִים ט׳:נ׳

    וילך אבימלך אל תבץ ויחן בתבץ וילכדה׃

  12. 1 שְׁמוּאֵל י״א:א׳

    ¶ ויעל נחש העמוני ויחן על יבש גלעד ויאמרו כל אנשי יביש אל נחש כרת לנו ברית ונעבדך׃

  13. 1 שְׁמוּאֵל י״א:ב׳

    ויאמר אליהם נחש העמוני בזאת אכרת לכם בנקור לכם כל עין ימין ושמתיה חרפה על כל ישראל׃

  14. 1 שְׁמוּאֵל י״א:ג׳

    ויאמרו אליו זקני יביש הרף לנו שבעת ימים ונשלחה מלאכים בכל גבול ישראל ואם אין מושיע אתנו ויצאנו אליך׃

  15. 1 שְׁמוּאֵל י״א:י״א

    ויהי ממחרת וישם שאול את העם שלשה ראשים ויבאו בתוך המחנה באשמרת הבקר ויכו את עמון עד חם היום ויהי הנשארים ויפצו ולא נשארו בם שנים יחד׃

  16. 1 שְׁמוּאֵל כ״ג:א׳

    ¶ ויגדו לדוד לאמר הנה פלשתים נלחמים בקעילה והמה שסים את הגרנות׃

  17. 1 שְׁמוּאֵל כ״ג:ה׳

    וילך דוד ואנשו קעילה וילחם בפלשתים וינהג את מקניהם ויך בהם מכה גדולה וישע דוד את ישבי קעילה׃

  18. 1 שְׁמוּאֵל ל׳:א׳

    ¶ ויהי בבא דוד ואנשיו צקלג ביום השלישי ועמלקי פשטו אל נגב ואל צקלג ויכו את צקלג וישרפו אתה באש׃

  19. 1 שְׁמוּאֵל ל׳:ב׳

    וישבו את הנשים אשר בה מקטן ועד גדול לא המיתו איש וינהגו וילכו לדרכם׃

  20. 2 שְׁמוּאֵל י״א:א׳

    ¶ ויהי לתשובת השנה לעת צאת המלאכים וישלח דוד את יואב ואת עבדיו עמו ואת כל ישראל וישחתו את בני עמון ויצרו על רבה ודוד יושב בירושלם׃

  21. 2 שְׁמוּאֵל י״א:כ׳

    והיה אם תעלה חמת המלך ואמר לך מדוע נגשתם אל העיר להלחם הלוא ידעתם את אשר ירו מעל החומה׃

  22. 2 שְׁמוּאֵל י״א:כ״א

    מי הכה את אבימלך בן ירבשת הלוא אשה השליכה עליו פלח רכב מעל החומה וימת בתבץ למה נגשתם אל החומה ואמרת גם עבדך אוריה החתי מת׃

  23. 2 שְׁמוּאֵל י״ב:כ״ו

    וילחם יואב ברבת בני עמון וילכד את עיר המלוכה׃

  24. 2 שְׁמוּאֵל י״ב:כ״ז

    וישלח יואב מלאכים אל דוד ויאמר נלחמתי ברבה גם לכדתי את עיר המים׃

  25. 2 שְׁמוּאֵל י״ב:כ״ח

    ועתה אסף את יתר העם וחנה על העיר ולכדה פן אלכד אני את העיר ונקרא שמי עליה׃