פסוקים על Salt

32 פסוקים · 29 היבטים

פסוקי מפתח

סינון לפי ספר
  1. בְּרֵאשִׁית י״ד:ג׳

    כל אלה חברו אל עמק השדים הוא ים המלח׃

  2. בְּרֵאשִׁית י״ט:כ״ו

    ותבט אשתו מאחריו ותהי נציב מלח׃

  3. וַיִּקְרָא ב׳:י״ג

    וכל קרבן מנחתך במלח תמלח ולא תשבית מלח ברית אלהיך מעל מנחתך על כל קרבנך תקריב מלח׃

  4. בְּמִדְבַּר י״ח:י״ט

    כל תרומת הקדשים אשר ירימו בני ישראל ליהוה נתתי לך ולבניך ולבנתיך אתך לחק עולם ברית מלח עולם הוא לפני יהוה לך ולזרעך אתך׃

  5. בְּמִדְבַּר ל״ד:י״ב

    וירד הגבול הירדנה והיו תוצאתיו ים המלח זאת תהיה לכם הארץ לגבלתיה סביב׃

  6. דְּבָרִים ג׳:י״ז

    והערבה והירדן וגבל מכנרת ועד ים הערבה ים המלח תחת אשדת הפסגה מזרחה׃

  7. יְהוֹשֻעַ ג׳:ט״ז

    ויעמדו המים הירדים מלמעלה קמו נד אחד הרחק מאד באדם העיר אשר מצד צרתן והירדים על ים הערבה ים המלח תמו נכרתו והעם עברו נגד יריחו׃

  8. יְהוֹשֻעַ י״א:ח׳

    ויתנם יהוה ביד ישראל ויכום וירדפום עד צידון רבה ועד משרפות מים ועד בקעת מצפה מזרחה ויכם עד בלתי השאיר להם שריד׃

  9. יְהוֹשֻעַ י״ב:ג׳

    והערבה עד ים כנרות מזרחה ועד ים הערבה ים המלח מזרחה דרך בית הישמות ומתימן תחת אשדות הפסגה׃

  10. יְהוֹשֻעַ ט״ו:ב׳

    ויהי להם גבול נגב מקצה ים המלח מן הלשן הפנה נגבה׃

  11. יְהוֹשֻעַ ט״ו:ס״ב

    והנבשן ועיר המלח ועין גדי ערים שש וחצריהן׃

  12. שֹׁפְטִים ט׳:מ״ה

    ואבימלך נלחם בעיר כל היום ההוא וילכד את העיר ואת העם אשר בה הרג ויתץ את העיר ויזרעה מלח׃

  13. 2 שְׁמוּאֵל ח׳:י״ג

    ויעש דוד שם בשבו מהכותו את ארם בגיא מלח שמונה עשר אלף׃

  14. 2 מְלָכִים ב׳:כ׳

    ויאמר קחו לי צלחית חדשה ושימו שם מלח ויקחו אליו׃

  15. 2 מְלָכִים ב׳:כ״א

    ויצא אל מוצא המים וישלך שם מלח ויאמר כה אמר יהוה רפאתי למים האלה לא יהיה משם עוד מות ומשכלת׃

  16. 2 מְלָכִים י״ד:ז׳

    הוא הכה את אדום בגיא המלח עשרת אלפים ותפש את הסלע במלחמה ויקרא את שמה יקתאל עד היום הזה׃

  17. 1 דִּבְרֵי הַיָּמִים י״ח:י״ב

    ואבשי בן צרויה הכה את אדום בגיא המלח שמונה עשר אלף׃

  18. 2 דִּבְרֵי הַיָּמִים י״ג:ה׳

    הלא לכם לדעת כי יהוה אלהי ישראל נתן ממלכה לדויד על ישראל לעולם לו ולבניו ברית מלח׃

  19. עֶזְרָא ד׳:י״ד

    כען כל קבל די מלח היכלא מלחנא וערות מלכא לא אריך לנא למחזא על דנה שלחנא והודענא למלכא׃

  20. עֶזְרָא ו׳:ט׳

    ומה חשחן ובני תורין ודכרין ואמרין לעלון לאלה שמיא חנטין מלח חמר ומשח כמאמר כהניא די בירושלם להוא מתיהב להם יום ביום די לא שלו׃

  21. עֶזְרָא ז׳:כ״ב

    עד כסף ככרין מאה ועד חנטין כרין מאה ועד חמר בתין מאה ועד בתין משח מאה ומלח די לא כתב׃

  22. אִיּוֹב ו׳:ו׳

    היאכל תפל מבלי מלח אם יש טעם בריר חלמות׃

  23. יִרְמְיָהוּ י״ז:ו׳

    והיה כערער בערבה ולא יראה כי יבוא טוב ושכן חררים במדבר ארץ מלחה ולא תשב׃

  24. יְחֶזְקֵאל ט״ז:ד׳

    ומולדותיך ביום הולדת אתך לא כרת שרך ובמים לא רחצת למשעי והמלח לא המלחת והחתל לא חתלת׃

  25. יְחֶזְקֵאל מ״ג:כ״ד

    והקרבתם לפני יהוה והשליכו הכהנים עליהם מלח והעלו אותם עלה ליהוה׃