פסוקים על Resignation

ויקח לו חרש להתגרד בו והוא ישב בתוך האפר׃

ותאמר לו אשתו עדך מחזיק בתמתך ברך אלהים ומת׃

ויאמר אליה כדבר אחת הנבלות תדברי גם את הטוב נקבל מאת האלהים ואת הרע לא נקבל בכל זאת לא חטא איוב בשפתיו׃

הנה אשרי אנוש יוכחנו אלוה ומוסר שדי אל תמאס׃

כי אל אל האמר נשאתי לא אחבל׃

רגזו ואל תחטאו אמרו בלבבכם על משכבכם ודמו סלה׃

¶ לדוד אל תתחר במרעים אל תקנא בעשי עולה׃

כי כחציר מהרה ימלו וכירק דשא יבולון׃

בטח ביהוה ועשה טוב שכן ארץ ורעה אמונה׃

והתענג על יהוה ויתן לך משאלת לבך׃

גול על יהוה דרכך ובטח עליו והוא יעשה׃

והוציא כאור צדקך ומשפטך כצהרים׃

דום ליהוה והתחולל לו אל תתחר במצליח דרכו באיש עשה מזמות׃

הרף מאף ועזב חמה אל תתחר אך להרע׃

כי מרעים יכרתון וקוי יהוה המה יירשו ארץ׃

ועוד מעט ואין רשע והתבוננת על מקומו ואיננו׃

וענוים יירשו ארץ והתענגו על רב שלום׃

נאלמתי לא אפתח פי כי אתה עשית׃

מה תשתוחחי נפשי ותהמי עלי הוחילי לאלהים כי עוד אודנו ישועות פניו׃

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃

הרפו ודעו כי אנכי אלהים ארום בגוים ארום בארץ׃

לא כחטאינו עשה לנו ולא כעונתינו גמל עלינו׃

ידעתי יהוה כי צדק משפטיך ואמונה עניתני׃

מוסר יהוה בני אל תמאס ואל תקץ בתוכחתו׃

רוח איש יכלכל מחלהו ורוח נכאה מי ישאנה׃