פסוקים על Resignation

132 פסוקים · 30 היבטים

פסוקי מפתח

סינון לפי ספר
  1. בְּרֵאשִׁית מ״ג:י״ד

    ואל שדי יתן לכם רחמים לפני האיש ושלח לכם את אחיכם אחר ואת בנימין ואני כאשר שכלתי שכלתי׃

  2. וַיִּקְרָא י׳:א׳

    ¶ ויקחו בני אהרן נדב ואביהוא איש מחתתו ויתנו בהן אש וישימו עליה קטרת ויקרבו לפני יהוה אש זרה אשר לא צוה אתם׃

  3. וַיִּקְרָא י׳:ב׳

    ותצא אש מלפני יהוה ותאכל אותם וימתו לפני יהוה׃

  4. וַיִּקְרָא י׳:ג׳

    ויאמר משה אל אהרן הוא אשר דבר יהוה לאמר בקרבי אקדש ועל פני כל העם אכבד וידם אהרן׃

  5. שֹׁפְטִים י׳:ט״ו

    ויאמרו בני ישראל אל יהוה חטאנו עשה אתה לנו ככל הטוב בעיניך אך הצילנו נא היום הזה׃

  6. 1 שְׁמוּאֵל ג׳:י״ח

    ויגד לו שמואל את כל הדברים ולא כחד ממנו ויאמר יהוה הוא הטוב בעינו יעשה׃

  7. 2 שְׁמוּאֵל י״ב:כ״ג

    ועתה מת למה זה אני צם האוכל להשיבו עוד אני הלך אליו והוא לא ישוב אלי׃

  8. 2 שְׁמוּאֵל ט״ו:כ״ו

    ואם כה יאמר לא חפצתי בך הנני יעשה לי כאשר טוב בעיניו׃

  9. 2 שְׁמוּאֵל ט״ז:י׳

    ויאמר המלך מה לי ולכם בני צריה כי יקלל וכי יהוה אמר לו קלל את דוד ומי יאמר מדוע עשיתה כן׃

  10. 2 שְׁמוּאֵל ט״ז:י״א

    ויאמר דוד אל אבישי ואל כל עבדיו הנה בני אשר יצא ממעי מבקש את נפשי ואף כי עתה בן הימיני הנחו לו ויקלל כי אמר לו יהוה׃

  11. 2 שְׁמוּאֵל כ״ד:י״ד

    ויאמר דוד אל גד צר לי מאד נפלה נא ביד יהוה כי רבים רחמו וביד אדם אל אפלה׃

  12. 2 מְלָכִים ד׳:כ״ו

    עתה רוץ נא לקראתה ואמר לה השלום לך השלום לאישך השלום לילד ותאמר שלום׃

  13. 2 מְלָכִים כ׳:י״ט

    ויאמר חזקיהו אל ישעיהו טוב דבר יהוה אשר דברת ויאמר הלוא אם שלום ואמת יהיה בימי׃

  14. נחמיה ט׳:ל״ג

    ואתה צדיק על כל הבא עלינו כי אמת עשית ואנחנו הרשענו׃

  15. אֶסְתֵר ד׳:ט״ז

    לך כנוס את כל היהודים הנמצאים בשושן וצומו עלי ואל תאכלו ואל תשתו שלשת ימים לילה ויום גם אני ונערתי אצום כן ובכן אבוא אל המלך אשר לא כדת וכאשר אבדתי אבדתי׃

  16. אִיּוֹב א׳:י״ג

    ויהי היום ובניו ובנתיו אכלים ושתים יין בבית אחיהם הבכור׃

  17. אִיּוֹב א׳:י״ד

    ומלאך בא אל איוב ויאמר הבקר היו חרשות והאתנות רעות על ידיהם׃

  18. אִיּוֹב א׳:ט״ו

    ותפל שבא ותקחם ואת הנערים הכו לפי חרב ואמלטה רק אני לבדי להגיד לך׃

  19. אִיּוֹב א׳:ט״ז

    עוד זה מדבר וזה בא ויאמר אש אלהים נפלה מן השמים ותבער בצאן ובנערים ותאכלם ואמלטה רק אני לבדי להגיד לך׃

  20. אִיּוֹב א׳:י״ז

    עוד זה מדבר וזה בא ויאמר כשדים שמו שלשה ראשים ויפשטו על הגמלים ויקחום ואת הנערים הכו לפי חרב ואמלטה רק אני לבדי להגיד לך׃

  21. אִיּוֹב א׳:י״ח

    עד זה מדבר וזה בא ויאמר בניך ובנותיך אכלים ושתים יין בבית אחיהם הבכור׃

  22. אִיּוֹב א׳:י״ט

    והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד לך׃

  23. אִיּוֹב א׳:כ׳

    ויקם איוב ויקרע את מעלו ויגז את ראשו ויפל ארצה וישתחו׃

  24. אִיּוֹב א׳:כ״א

    ויאמר ערם יצתי מבטן אמי וערם אשוב שמה יהוה נתן ויהוה לקח יהי שם יהוה מברך׃

  25. אִיּוֹב א׳:כ״ב

    בכל זאת לא חטא איוב ולא נתן תפלה לאלהים׃