פסוקים על Resignation: Exhortation to

¶ לדוד אל תתחר במרעים אל תקנא בעשי עולה׃

כי כחציר מהרה ימלו וכירק דשא יבולון׃

בטח ביהוה ועשה טוב שכן ארץ ורעה אמונה׃

והתענג על יהוה ויתן לך משאלת לבך׃

גול על יהוה דרכך ובטח עליו והוא יעשה׃

והוציא כאור צדקך ומשפטך כצהרים׃

דום ליהוה והתחולל לו אל תתחר במצליח דרכו באיש עשה מזמות׃

הרף מאף ועזב חמה אל תתחר אך להרע׃

כי מרעים יכרתון וקוי יהוה המה יירשו ארץ׃

ועוד מעט ואין רשע והתבוננת על מקומו ואיננו׃

וענוים יירשו ארץ והתענגו על רב שלום׃