פסוקים על Reproof

¶ למנצח בנגינות על השמינית מזמור לדוד יהוה אל באפך תוכיחני ואל בחמתך תיסרני׃

תורת יהוה תמימה משיבת נפש עדות יהוה נאמנה מחכימת פתי׃

פקודי יהוה ישרים משמחי לב מצות יהוה ברה מאירת עינים׃

יראת יהוה טהורה עומדת לעד משפטי יהוה אמת צדקו יחדו׃

הנחמדים מזהב ומפז רב ומתוקים מדבש ונפת צופים׃

גם עבדך נזהר בהם בשמרם עקב רב׃

בתוכחות על עון יסרת איש ותמס כעש חמודו אך הבל כל אדם סלה׃

אלה עשית והחרשתי דמית היות אהיה כמוך אוכיחך ואערכה לעיניך׃

אשרי הגבר אשר תיסרנו יה ומתורתך תלמדנו׃

טרם אענה אני שגג ועתה אמרתך שמרתי׃

טוב לי כי עניתי למען אלמד חקיך׃

ידעתי יהוה כי צדק משפטיך ואמונה עניתני׃

יהלמני צדיק חסד ויוכיחני שמן ראש אל יני ראשי כי עוד ותפלתי ברעותיהם׃

לא אבו לעצתי נאצו כל תוכחתי׃

ואמרת איך שנאתי מוסר ותוכחת נאץ לבי׃

כי נר מצוה ותורה אור ודרך חיים תוכחות מוסר׃

יסר לץ לקח לו קלון ומוכיח לרשע מומו׃

אל תוכח לץ פן ישנאך הוכח לחכם ויאהבך׃

ארח לחיים שומר מוסר ועוזב תוכחת מתעה׃

¶ אהב מוסר אהב דעת ושנא תוכחת בער׃

ריש וקלון פורע מוסר ושומר תוכחת יכבד׃

אויל ינאץ מוסר אביו ושמר תוכחת יערם׃

מוסר רע לעזב ארח שונא תוכחת ימות׃

לא יאהב לץ הוכח לו אל חכמים לא ילך׃

אזן שמעת תוכחת חיים בקרב חכמים תלין׃