פסוקים על Red Sea

ואני עשה המלך שלמה בעציון גבר אשר את אלות על שפת ים סוף בארץ אדום׃

ותרא את עני אבתינו במצרים ואת זעקתם שמעת על ים סוף׃

ותתן אתת ומפתים בפרעה ובכל עבדיו ובכל עם ארצו כי ידעת כי הזידו עליהם ותעש לך שם כהיום הזה׃

והים בקעת לפניהם ויעברו בתוך הים ביבשה ואת רדפיהם השלכת במצולת כמו אבן במים עזים׃

הפך ים ליבשה בנהר יעברו ברגל שם נשמחה בו׃

בקע ים ויעבירם ויצב מים כמו נד׃

וינחם לבטח ולא פחדו ואת אויביהם כסה הים׃

אבותינו במצרים לא השכילו נפלאותיך לא זכרו את רב חסדיך וימרו על ים בים סוף׃

ויושיעם למען שמו להודיע את גבורתו׃

ויגער בים סוף ויחרב ויוליכם בתהמות כמדבר׃

ויושיעם מיד שונא ויגאלם מיד אויב׃

ויכסו מים צריהם אחד מהם לא נותר׃

נפלאות בארץ חם נוראות על ים סוף׃

לגזר ים סוף לגזרים כי לעולם חסדו׃

והעביר ישראל בתוכו כי לעולם חסדו׃

ונער פרעה וחילו בים סוף כי לעולם חסדו׃

כה אמר יהוה הנותן בים דרך ובמים עזים נתיבה׃

המוציא רכב וסוס חיל ועזוז יחדו ישכבו בל יקומו דעכו כפשתה כבו׃

והוא הוציאם ויעש אתות ומפתים בארץ מצרים ובים סוף ובמדבר ארבעים שנה׃

¶ ולא אכחד מכם אחי אשר אבותינו היו כלם תחת הענן וכלם עברו בתוך הים׃

וכלם נטבלו למשה בענן ובים׃

באמונה עברו את ים סוף ביבשה אשר נסו מצרים גם המה לעבר בו ויטבעו׃