פסוקים על Quotations and Allusions

636 פסוקים · 252 היבטים

פסוקי מפתח

סינון לפי ספר
  1. יְשַׁעְיָהוּ ט׳:ב׳

    העם ההלכים בחשך ראו אור גדול ישבי בארץ צלמות אור נגה עליהם׃

  2. יְשַׁעְיָהוּ י׳:כ״ב

    כי אם יהיה עמך ישראל כחול הים שאר ישוב בו כליון חרוץ שוטף צדקה׃

  3. יְשַׁעְיָהוּ י׳:כ״ג

    כי כלה ונחרצה אדני יהוה צבאות עשה בקרב כל הארץ׃

  4. יְשַׁעְיָהוּ י״א:א׳

    ¶ ויצא חטר מגזע ישי ונצר משרשיו יפרה׃

  5. יְשַׁעְיָהוּ י״א:י׳

    והיה ביום ההוא שרש ישי אשר עמד לנס עמים אליו גוים ידרשו והיתה מנחתו כבוד׃

  6. יְשַׁעְיָהוּ כ״ב:י״ג

    והנה ששון ושמחה הרג בקר ושחט צאן אכל בשר ושתות יין אכול ושתו כי מחר נמות׃

  7. יְשַׁעְיָהוּ כ״ה:ח׳

    בלע המות לנצח ומחה אדני יהוה דמעה מעל כל פנים וחרפת עמו יסיר מעל כל הארץ כי יהוה דבר׃

  8. יְשַׁעְיָהוּ כ״ז:ט׳

    לכן בזאת יכפר עון יעקב וזה כל פרי הסר חטאתו בשומו כל אבני מזבח כאבני גר מנפצות לא יקמו אשרים וחמנים׃

  9. יְשַׁעְיָהוּ כ״ח:י״א

    כי בלעגי שפה ובלשון אחרת ידבר אל העם הזה׃

  10. יְשַׁעְיָהוּ כ״ח:י״ב

    אשר אמר אליהם זאת המנוחה הניחו לעיף וזאת המרגעה ולא אבוא שמוע׃

  11. יְשַׁעְיָהוּ כ״ח:ט״ז

    לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחיש׃

  12. יְשַׁעְיָהוּ כ״ט:י׳

    כי נסך עליכם יהוה רוח תרדמה ויעצם את עיניכם את הנביאים ואת ראשיכם החזים כסה׃

  13. יְשַׁעְיָהוּ כ״ט:י״ג

    ויאמר אדני יען כי נגש העם הזה בפיו ובשפתיו כבדוני ולבו רחק ממני ותהי יראתם אתי מצות אנשים מלמדה׃

  14. יְשַׁעְיָהוּ כ״ט:י״ד

    לכן הנני יוסף להפליא את העם הזה הפלא ופלא ואבדה חכמת חכמיו ובינת נבניו תסתתר׃

  15. יְשַׁעְיָהוּ מ׳:ג׳

    קול קורא במדבר פנו דרך יהוה ישרו בערבה מסלה לאלהינו׃

  16. יְשַׁעְיָהוּ מ׳:ד׳

    כל גיא ינשא וכל הר וגבעה ישפלו והיה העקב למישור והרכסים לבקעה׃

  17. יְשַׁעְיָהוּ מ׳:ה׳

    ונגלה כבוד יהוה וראו כל בשר יחדו כי פי יהוה דבר׃

  18. יְשַׁעְיָהוּ מ׳:ו׳

    קול אמר קרא ואמר מה אקרא כל הבשר חציר וכל חסדו כציץ השדה׃

  19. יְשַׁעְיָהוּ מ׳:ז׳

    יבש חציר נבל ציץ כי רוח יהוה נשבה בו אכן חציר העם׃

  20. יְשַׁעְיָהוּ מ׳:ח׳

    יבש חציר נבל ציץ ודבר אלהינו יקום לעולם׃

  21. יְשַׁעְיָהוּ מ׳:י״ג

    מי תכן את רוח יהוה ואיש עצתו יודיענו׃

  22. יְשַׁעְיָהוּ מ״ב:א׳

    ¶ הן עבדי אתמך בו בחירי רצתה נפשי נתתי רוחי עליו משפט לגוים יוציא׃

  23. יְשַׁעְיָהוּ מ״ב:ב׳

    לא יצעק ולא ישא ולא ישמיע בחוץ קולו׃

  24. יְשַׁעְיָהוּ מ״ב:ג׳

    קנה רצוץ לא ישבור ופשתה כהה לא יכבנה לאמת יוציא משפט׃

  25. יְשַׁעְיָהוּ מ״ב:ד׳

    לא יכהה ולא ירוץ עד ישים בארץ משפט ולתורתו איים ייחילו׃