פסוקים על Quotations and Allusions

פזר נתן לאביונים צדקתו עמדת לעד קרנו תרום בכבוד׃

האמנתי כי אדבר אני עניתי מאד׃

¶ הללו את יהוה כל גוים שבחוהו כל האמים׃

יהוה לי לא אירא מה יעשה לי אדם׃

אבן מאסו הבונים היתה לראש פנה׃

מאת יהוה היתה זאת היא נפלאת בעינינו׃

ברוך הבא בשם יהוה ברכנוכם מבית יהוה׃

שרים רדפוני חנם ומדבריך פחד לבי׃

שננו לשונם כמו נחש חמת עכשוב תחת שפתימו סלה׃

מוסר יהוה בני אל תמאס ואל תקץ בתוכחתו׃

כי את אשר יאהב יהוה יוכיח וכאב את בן ירצה׃

אם ללצים הוא יליץ ולעניים יתן חן׃

אם רעב שנאך האכלהו לחם ואם צמא השקהו מים׃

כי גחלים אתה חתה על ראשו ויהוה ישלם לך׃

ככלב שב על קאו כסיל שונה באולתו׃

לולי יהוה צבאות הותיר לנו שריד כמעט כסדם היינו לעמרה דמינו׃

ויאמר לך ואמרת לעם הזה שמעו שמוע ואל תבינו וראו ראו ואל תדעו׃

השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב ורפא לו׃

לכן יתן אדני הוא לכם אות הנה העלמה הרה וילדת בן וקראת שמו עמנו אל׃

לא תאמרון קשר לכל אשר יאמר העם הזה קשר ואת מוראו לא תיראו ולא תעריצו׃

את יהוה צבאות אתו תקדישו והוא מוראכם והוא מערצכם׃

והיה למקדש ולאבן נגף ולצור מכשול לשני בתי ישראל לפח ולמוקש ליושב ירושלם׃

וחכיתי ליהוה המסתיר פניו מבית יעקב וקויתי לו׃

הנה אנכי והילדים אשר נתן לי יהוה לאתות ולמופתים בישראל מעם יהוה צבאות השכן בהר ציון׃

¶ כי לא מועף לאשר מוצק לה כעת הראשון הקל ארצה זבלון וארצה נפתלי והאחרון הכביד דרך הים עבר הירדן גליל הגוים׃