פסוקים על Quotations and Allusions

יחלקו בגדי להם ועל לבושי יפילו גורל׃

אספרה שמך לאחי בתוך קהל אהללך׃

¶ לדוד מזמור ליהוה הארץ ומלואה תבל וישבי בה׃

בידך אפקיד רוחי פדיתה אותי יהוה אל אמת׃

¶ לדוד משכיל אשרי נשוי פשע כסוי חטאה׃

אשרי אדם לא יחשב יהוה לו עון ואין ברוחו רמיה׃

מי האיש החפץ חיים אהב ימים לראות טוב׃

נצר לשונך מרע ושפתיך מדבר מרמה׃

סור מרע ועשה טוב בקש שלום ורדפהו׃

עיני יהוה אל צדיקים ואזניו אל שועתם׃

פני יהוה בעשי רע להכרית מארץ זכרם׃

שמר כל עצמותיו אחת מהנה לא נשברה׃

אל ישמחו לי איבי שקר שנאי חנם יקרצו עין׃

¶ למנצח לעבד יהוה לדוד נאם פשע לרשע בקרב לבי אין פחד אלהים לנגד עיניו׃

זבח ומנחה לא חפצת אזנים כרית לי עולה וחטאה לא שאלת׃

אז אמרתי הנה באתי במגלת ספר כתוב עלי׃

לעשות רצונך אלהי חפצתי ותורתך בתוך מעי׃

גם איש שלומי אשר בטחתי בו אוכל לחמי הגדיל עלי עקב׃

כי עליך הרגנו כל היום נחשבנו כצאן טבחה׃

כסאך אלהים עולם ועד שבט מישר שבט מלכותך׃

אהבת צדק ותשנא רשע על כן משחך אלהים אלהיך שמן ששון מחבריך׃

אם ארעב לא אמר לך כי לי תבל ומלאה׃

לך לבדך חטאתי והרע בעיניך עשיתי למען תצדק בדברך תזכה בשפטך׃

עלית למרום שבית שבי לקחת מתנות באדם ואף סוררים לשכן יה אלהים׃

רבו משערות ראשי שנאי חנם עצמו מצמיתי איבי שקר אשר לא גזלתי אז אשיב׃