פסוקים על Quotations and Allusions

כי קנאת ביתך אכלתני וחרפות חורפיך נפלו עלי׃

יהי שלחנם לפניהם לפח ולשלומים למוקש׃

תחשכנה עיניהם מראות ומתניהם תמיד המעד׃

תהי טירתם נשמה באהליהם אל יהי ישב׃

אפתחה במשל פי אביעה חידות מני קדם׃

וימטר עליהם מן לאכל ודגן שמים נתן למו׃

אני אמרתי אלהים אתם ובני עליון כלכם׃

מצאתי דוד עבדי בשמן קדשי משחתיו׃

כי מלאכיו יצוה לך לשמרך בכל דרכיך׃

על כפים ישאונך פן תגף באבן רגלך׃

יהוה ידע מחשבות אדם כי המה הבל׃

כי הוא אלהינו ואנחנו עם מרעיתו וצאן ידו היום אם בקלו תשמעו׃

אל תקשו לבבכם כמריבה כיום מסה במדבר׃

אשר נסוני אבותיכם בחנוני גם ראו פעלי׃

ארבעים שנה אקוט בדור ואמר עם תעי לבב הם והם לא ידעו דרכי׃

אשר נשבעתי באפי אם יבאון אל מנוחתי׃

יבשו כל עבדי פסל המתהללים באלילים השתחוו לו כל אלהים׃

לפנים הארץ יסדת ומעשה ידיך שמים׃

המה יאבדו ואתה תעמד וכלם כבגד יבלו כלבוש תחליפם ויחלפו׃

ואתה הוא ושנותיך לא יתמו׃

עשה מלאכיו רוחות משרתיו אש להט׃

ודברי שנאה סבבוני וילחמוני חנם׃

יהיו ימיו מעטים פקדתו יקח אחר׃

¶ לדוד מזמור נאם יהוה לאדני שב לימיני עד אשית איביך הדם לרגליך׃

נשבע יהוה ולא ינחם אתה כהן לעולם על דברתי מלכי צדק׃