פסוקים על Quotations and Allusions

ויאמר קנא קנאתי ליהוה אלהי צבאות כי עזבו בריתך בני ישראל את מזבחתיך הרסו ואת נביאיך הרגו בחרב ואותר אני לבדי ויבקשו את נפשי לקחתה׃

והשארתי בישראל שבעת אלפים כל הברכים אשר לא כרעו לבעל וכל הפה אשר לא נשק לו׃

לכד חכמים בערמם ועצת נפתלים נמהרה׃

¶ למה רגשו גוים ולאמים יהגו ריק׃

יתיצבו מלכי ארץ ורוזנים נוסדו יחד על יהוה ועל משיחו׃

אספרה אל חק יהוה אמר אלי בני אתה אני היום ילדתיך׃

תרעם בשבט ברזל ככלי יוצר תנפצם׃

רגזו ואל תחטאו אמרו בלבבכם על משכבכם ודמו סלה׃

כי אין בפיהו נכונה קרבם הוות קבר פתוח גרונם לשונם יחליקון׃

סורו ממני כל פעלי און כי שמע יהוה קול בכיי׃

מפי עוללים וינקים יסדת עז למען צורריך להשבית אויב ומתנקם׃

מה אנוש כי תזכרנו ובן אדם כי תפקדנו׃

ותחסרהו מעט מאלהים וכבוד והדר תעטרהו׃

תמשילהו במעשי ידיך כל שתה תחת רגליו׃

אלה פיהו מלא ומרמות ותך תחת לשונו עמל ואון׃

¶ למנצח לדוד אמר נבל בלבו אין אלהים השחיתו התעיבו עלילה אין עשה טוב׃

יהוה משמים השקיף על בני אדם לראות היש משכיל דרש את אלהים׃

הכל סר יחדו נאלחו אין עשה טוב אין גם אחד׃

שויתי יהוה לנגדי תמיד כי מימיני בל אמוט׃

לכן שמח לבי ויגל כבודי אף בשרי ישכן לבטח׃

כי לא תעזב נפשי לשאול לא תתן חסידך לראות שחת׃

תודיעני ארח חיים שבע שמחות את פניך נעמות בימינך נצח׃

על כן אודך בגוים יהוה ולשמך אזמרה׃

בכל הארץ יצא קום ובקצה תבל מליהם לשמש שם אהל בהם׃

¶ למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃