פסוקים על Quotations and Allusions

וירא אהרן ויבן מזבח לפניו ויקרא אהרן ויאמר חג ליהוה מחר׃

וישכימו ממחרת ויעלו עלת ויגשו שלמים וישב העם לאכל ושתו ויקמו לצחק׃

ויאמר אני אעביר כל טובי על פניך וקראתי בשם יהוה לפניך וחנתי את אשר אחן ורחמתי את אשר ארחם׃

ויכל משה מדבר אתם ויתן על פניו מסוה׃

כי אני יהוה אלהיכם והתקדשתם והייתם קדשים כי קדוש אני ולא תטמאו את נפשתיכם בכל השרץ הרמש על הארץ׃

ואם לא תמצא ידה די שה ולקחה שתי תרים או שני בני יונה אחד לעלה ואחד לחטאת וכפר עליה הכהן וטהרה׃

ושמרתם את חקתי ואת משפטי אשר יעשה אתם האדם וחי בהם אני יהוה׃

דבר אל כל עדת בני ישראל ואמרת אלהם קדשים תהיו כי קדוש אני יהוה אלהיכם׃

ולא תשבעו בשמי לשקר וחללת את שם אלהיך אני יהוה׃

לא תעשק את רעך ולא תגזל לא תלין פעלת שכיר אתך עד בקר׃

לא תקם ולא תטר את בני עמך ואהבת לרעך כמוך אני יהוה׃

והתקדשתם והייתם קדשים כי אני יהוה אלהיכם׃

ונתתי משכני בתוככם ולא תגעל נפשי אתכם׃

והתהלכתי בתוככם והייתי לכם לאלהים ואתם תהיו לי לעם׃

וידבר אל קרח ואל כל עדתו לאמר בקר וידע יהוה את אשר לו ואת הקדוש והקריב אליו ואת אשר יבחר בו יקריב אליו׃

לא תשא את שם יהוה אלהיך לשוא כי לא ינקה יהוה את אשר ישא את שמו לשוא׃

כבד את אביך ואת אמך כאשר צוך יהוה אלהיך למען יאריכן ימיך ולמען ייטב לך על האדמה אשר יהוה אלהיך נתן לך׃

לא תרצח׃

ולא תנאף׃

שמע ישראל יהוה אלהינו יהוה אחד׃

ואהבת את יהוה אלהיך בכל לבבך ובכל נפשך ובכל מאדך׃

את יהוה אלהיך תירא ואתו תעבד ובשמו תשבע׃

לא תנסו את יהוה אלהיכם כאשר נסיתם במסה׃

ויענך וירעבך ויאכלך את המן אשר לא ידעת ולא ידעון אבתיך למען הודעך כי לא על הלחם לבדו יחיה האדם כי על כל מוצא פי יהוה יחיה האדם׃

את יהוה אלהיך תירא אתו תעבד ובו תדבק ובשמו תשבע׃