פסוקים על Quotations and Allusions

636 פסוקים · 252 היבטים

פסוקי מפתח

סינון לפי ספר
  1. יְשַׁעְיָהוּ ס״א:ב׳

    לקרא שנת רצון ליהוה ויום נקם לאלהינו לנחם כל אבלים׃

  2. יְשַׁעְיָהוּ ס״ד:ד׳

    ומעולם לא שמעו לא האזינו עין לא ראתה אלהים זולתך יעשה למחכה לו׃

  3. יְשַׁעְיָהוּ ס״ה:ב׳

    פרשתי ידי כל היום אל עם סורר ההלכים הדרך לא טוב אחר מחשבתיהם׃

  4. יְשַׁעְיָהוּ ס״ו:א׳

    ¶ כה אמר יהוה השמים כסאי והארץ הדם רגלי אי זה בית אשר תבנו לי ואי זה מקום מנוחתי׃

  5. יְשַׁעְיָהוּ ס״ו:ב׳

    ואת כל אלה ידי עשתה ויהיו כל אלה נאם יהוה ואל זה אביט אל עני ונכה רוח וחרד על דברי׃

  6. יְשַׁעְיָהוּ ס״ו:כ״ד

    ויצאו וראו בפגרי האנשים הפשעים בי כי תולעתם לא תמות ואשם לא תכבה והיו דראון לכל בשר׃

  7. יִרְמְיָהוּ ז׳:י״א

    המערת פרצים היה הבית הזה אשר נקרא שמי עליו בעיניכם גם אנכי הנה ראיתי נאם יהוה׃

  8. יִרְמְיָהוּ ט׳:כ״ד

    כי אם בזאת יתהלל המתהלל השכל וידע אותי כי אני יהוה עשה חסד משפט וצדקה בארץ כי באלה חפצתי נאם יהוה׃

  9. יִרְמְיָהוּ ל״א:ט״ו

    כה אמר יהוה קול ברמה נשמע נהי בכי תמרורים רחל מבכה על בניה מאנה להנחם על בניה כי איננו׃

  10. יִרְמְיָהוּ ל״א:ל״א

    הנה ימים באים נאם יהוה וכרתי את בית ישראל ואת בית יהודה ברית חדשה׃

  11. יִרְמְיָהוּ ל״א:ל״ב

    לא כברית אשר כרתי את אבותם ביום החזיקי בידם להוציאם מארץ מצרים אשר המה הפרו את בריתי ואנכי בעלתי בם נאם יהוה׃

  12. יִרְמְיָהוּ ל״א:ל״ג

    כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

  13. יִרְמְיָהוּ ל״א:ל״ד

    ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם נאם יהוה כי אסלח לעונם ולחטאתם לא אזכר עוד׃

  14. אֵיכָה ג׳:נ״ב

    צוד צדוני כצפור איבי חנם׃

  15. יְחֶזְקֵאל י״ב:ב׳

    בן אדם בתוך בית המרי אתה ישב אשר עינים להם לראות ולא ראו אזנים להם לשמע ולא שמעו כי בית מרי הם׃

  16. הוֹשֵׁעַ א׳:י׳

    והיה מספר בני ישראל כחול הים אשר לא ימד ולא יספר והיה במקום אשר יאמר להם לא עמי אתם יאמר להם בני אל חי׃

  17. הוֹשֵׁעַ ב׳:כ״ג

    וזרעתיה לי בארץ ורחמתי את לא רחמה ואמרתי ללא עמי עמי אתה והוא יאמר אלהי׃

  18. הוֹשֵׁעַ ו׳:ו׳

    כי חסד חפצתי ולא זבח ודעת אלהים מעלות׃

  19. הוֹשֵׁעַ י׳:ח׳

    ונשמדו במות און חטאת ישראל קוץ ודרדר יעלה על מזבחותם ואמרו להרים כסונו ולגבעות נפלו עלינו׃

  20. הוֹשֵׁעַ י״א:א׳

    ¶ כי נער ישראל ואהבהו וממצרים קראתי לבני׃

  21. הוֹשֵׁעַ י״ג:י״ד

    מיד שאול אפדם ממות אגאלם אהי דבריך מות אהי קטבך שאול נחם יסתר מעיני׃

  22. הוֹשֵׁעַ י״ד:ב׳

    קחו עמכם דברים ושובו אל יהוה אמרו אליו כל תשא עון וקח טוב ונשלמה פרים שפתינו׃

  23. יוֹאֵל ב׳:כ״ח

    והיה אחרי כן אשפוך את רוחי על כל בשר ונבאו בניכם ובנותיכם זקניכם חלמות יחלמון בחוריכם חזינות יראו׃

  24. יוֹאֵל ב׳:כ״ט

    וגם על העבדים ועל השפחות בימים ההמה אשפוך את רוחי׃

  25. יוֹאֵל ב׳:ל׳

    ונתתי מופתים בשמים ובארץ דם ואש ותימרות עשן׃