פסוקים על Quotations and Allusions

ויזכרו תלמידיו את הכתוב כי קנאת ביתך אכלתני׃

אבותינו אכלו את המן במדבר כאשר כתוב לחם מן השמים נתן למו לאכל׃

הלא כתוב בנביאים וכל בניך למודי יהוה לכן כל אשר שמע מן האב ולמד יבא אלי׃

המאמין בי כדבר הכתוב מבטנו ינהרו נהרי מים חיים׃

ויען אתם ישוע הלא כתוב בתורתכם אני אמרתי אלהים אתם׃

ויקחו בידם כפות תמרים ויצאו לקראתו ויריעו לאמר הושע נא ברוך הבא בשם יהוה מלך ישראל׃

אל תיראי בת ציון הנה מלכך יבוא לך רכב על עיר בן אתנות׃

למלאת דבר ישעיהו הנביא אשר אמר יהוה מי האמין לשמעתנו וזרוע יהוה על מי נגלתה׃

השע עיניהם והשמין לבבם פן יראו בעיניהם ולבבם יבין ושבו ורפאתי להם׃

כזאת דבר ישעיהו בראותו את תפארתו וינבא עליו׃

לא על כלכם דברתי יודע אני את אשר בחרתי בהם אך למען ימלא הכתוב אוכל לחמי הגדיל עלי עקב׃

אך למלאת דבר הכתוב בתורתם שנאת חנם שנאוני׃

ויאמרו איש אל אחיו אל נא נקרעה לקרעים אך נפיל עליה גורל למי תהיה למלאת דבר הכתוב יחלקו בגדי להם ועל לבושי יפילו גורל ויעשו כן אנשי הצבא׃

כי כל זאת היתה למלאת הכתוב ועצם לא תשברו בו׃

ועוד כתוב אחר אמר והביט אליו את אשר דקרו׃

כי כתוב בספר תהלים תהי טירתו נשמה ואל יהי בה ישב ופקדתו יקח אחר׃

והיה באחרית הימים נאם אלהים אשפך את רוחי על כל בשר ונבאו בניכם ובנתיכם ובחוריכם חזינות יראו וזקניכם חלמות יחלמון׃

וגם על עבדי ועל שפחותי בימים ההמה אשפך את רוחי ונבאו׃

ונתתי מופתים בשמים ממעל ואתות בארץ מתחת דם ואש ותימרות עשן׃

השמש יהפך לחשך והירח לדם לפני בוא יום יהוה הגדול והנורא׃

והיה כל אשר יקרא בשם יהוה ימלט׃

כי דוד אמר עליו שויתי יהוה לנגדי תמיד כי מימיני בל אמוט׃

לכן שמח לבי ויגל כבודי אף בשרי ישכן לבטח׃

כי לא תעזב נפשי לשאול לא תתן חסידך לראות שחת׃

תודיעני ארחות חיים שבע שמחות את פניך׃