פסוקים על Protection

תמך אשרי במעגלותיך בל נמוטו פעמי׃

שמרני כאישון בת עין בצל כנפיך תסתירני׃

¶ למנצח לעבד יהוה לדוד אשר דבר ליהוה את דברי השירה הזאת ביום הציל יהוה אותו מכף כל איביו ומיד שאול ויאמר ארחמך יהוה חזקי׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

גם כי אלך בגיא צלמות לא אירא רע כי אתה עמדי שבטך ומשענתך המה ינחמני׃

אין המלך נושע ברב חיל גבור לא ינצל ברב כח׃

שקר הסוס לתשועה וברב חילו לא ימלט׃

כי זרועות רשעים תשברנה וסומך צדיקים יהוה׃

כי יפל לא יוטל כי יהוה סומך ידו׃

¶ למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

אלהים בארמנותיה נודע למשגב׃

¶ למנצח אל תשחת לדוד מכתם בברחו מפני שאול במערה חנני אלהים חנני כי בך חסיה נפשי ובצל כנפיך אחסה עד יעבר הוות׃

ואני אשיר עזך וארנן לבקר חסדך כי היית משגב לי ומנוס ביום צר לי׃

אך הוא צורי וישועתי משגבי לא אמוט רבה׃

דבקה נפשי אחריך בי תמכה ימינך׃

כי יציל אביון משוע ועני ואין עזר לו׃

יחס על דל ואביון ונפשות אביונים יושיע׃

מתוך ומחמס יגאל נפשם וייקר דמם בעיניו׃

כי ליהוה מגננו ולקדוש ישראל מלכנו׃

כי הוא יצילך מפח יקוש מדבר הוות׃

באברתו יסך לך ותחת כנפיו תחסה צנה וסחרה אמתו׃

לא תירא מפחד לילה מחץ יעוף יומם׃

מדבר באפל יהלך מקטב ישוד צהרים׃

יפל מצדך אלף ורבבה מימינך אליך לא יגש׃

אל יתן למוט רגלך אל ינום שמרך׃