פסוקים על Protection: Presumptuous

וישכמו בבקר ויעלו אל ראש ההר לאמר הננו ועלינו אל המקום אשר אמר יהוה כי חטאנו׃

ויאמר משה למה זה אתם עברים את פי יהוה והוא לא תצלח׃

אל תעלו כי אין יהוה בקרבכם ולא תנגפו לפני איביכם׃

כי העמלקי והכנעני שם לפניכם ונפלתם בחרב כי על כן שבתם מאחרי יהוה ולא יהיה יהוה עמכם׃

ויעפלו לעלות אל ראש ההר וארון ברית יהוה ומשה לא משו מקרב המחנה׃

וירד העמלקי והכנעני הישב בהר ההוא ויכום ויכתום עד החרמה׃