פסוקים על Judgments

271 פסוקים · 91 היבטים

פסוקי מפתח

סינון לפי ספר
  1. 1 מְלָכִים י״ג:י״ד

    וילך אחרי איש האלהים וימצאהו ישב תחת האלה ויאמר אליו האתה איש האלהים אשר באת מיהודה ויאמר אני׃

  2. 1 מְלָכִים י״ג:ט״ו

    ויאמר אליו לך אתי הביתה ואכל לחם׃

  3. 1 מְלָכִים י״ג:ט״ז

    ויאמר לא אוכל לשוב אתך ולבוא אתך ולא אכל לחם ולא אשתה אתך מים במקום הזה׃

  4. 1 מְלָכִים י״ג:י״ז

    כי דבר אלי בדבר יהוה לא תאכל לחם ולא תשתה שם מים לא תשוב ללכת בדרך אשר הלכת בה׃

  5. 1 מְלָכִים י״ג:י״ח

    ויאמר לו גם אני נביא כמוך ומלאך דבר אלי בדבר יהוה לאמר השבהו אתך אל ביתך ויאכל לחם וישת מים כחש לו׃

  6. 1 מְלָכִים י״ג:י״ט

    וישב אתו ויאכל לחם בביתו וישת מים׃

  7. 1 מְלָכִים י״ג:כ׳

    ויהי הם ישבים אל השלחן ויהי דבר יהוה אל הנביא אשר השיבו׃

  8. 1 מְלָכִים י״ג:כ״א

    ויקרא אל איש האלהים אשר בא מיהודה לאמר כה אמר יהוה יען כי מרית פי יהוה ולא שמרת את המצוה אשר צוך יהוה אלהיך׃

  9. 1 מְלָכִים י״ג:כ״ב

    ותשב ותאכל לחם ותשת מים במקום אשר דבר אליך אל תאכל לחם ואל תשת מים לא תבוא נבלתך אל קבר אבתיך׃

  10. 1 מְלָכִים י״ג:כ״ג

    ויהי אחרי אכלו לחם ואחרי שתותו ויחבש לו החמור לנביא אשר השיבו׃

  11. 1 מְלָכִים י״ג:כ״ד

    וילך וימצאהו אריה בדרך וימיתהו ותהי נבלתו משלכת בדרך והחמור עמד אצלה והאריה עמד אצל הנבלה׃

  12. 1 מְלָכִים ט״ז:י״ח

    ויהי כראות זמרי כי נלכדה העיר ויבא אל ארמון בית המלך וישרף עליו את בית מלך באש וימת׃

  13. 1 מְלָכִים ט״ז:י״ט

    על חטאתיו אשר חטא לעשות הרע בעיני יהוה ללכת בדרך ירבעם ובחטאתו אשר עשה להחטיא את ישראל׃

  14. 2 מְלָכִים ד׳:ל״ח

    ואלישע שב הגלגלה והרעב בארץ ובני הנביאים ישבים לפניו ויאמר לנערו שפת הסיר הגדולה ובשל נזיד לבני הנביאים׃

  15. 2 מְלָכִים ד׳:ל״ט

    ויצא אחד אל השדה ללקט ארת וימצא גפן שדה וילקט ממנו פקעת שדה מלא בגדו ויבא ויפלח אל סיר הנזיד כי לא ידעו׃

  16. 2 מְלָכִים ד׳:מ׳

    ויצקו לאנשים לאכול ויהי כאכלם מהנזיד והמה צעקו ויאמרו מות בסיר איש האלהים ולא יכלו לאכל׃

  17. 2 מְלָכִים ד׳:מ״א

    ויאמר וקחו קמח וישלך אל הסיר ויאמר צק לעם ויאכלו ולא היה דבר רע בסיר׃

  18. 2 מְלָכִים י״ט:ל״ה

    ויהי בלילה ההוא ויצא מלאך יהוה ויך במחנה אשור מאה שמונים וחמשה אלף וישכימו בבקר והנה כלם פגרים מתים׃

  19. 2 מְלָכִים י״ט:ל״ו

    ויסע וילך וישב סנחריב מלך אשור וישב בנינוה׃

  20. 2 מְלָכִים י״ט:ל״ז

    ויהי הוא משתחוה בית נסרך אלהיו ואדרמלך ושראצר הכהו בחרב והמה נמלטו ארץ אררט וימלך אסר חדן בנו תחתיו׃

  21. מִשְׁלֵי א׳:כ״ד

    יען קראתי ותמאנו נטיתי ידי ואין מקשיב׃

  22. מִשְׁלֵי א׳:כ״ה

    ותפרעו כל עצתי ותוכחתי לא אביתם׃

  23. מִשְׁלֵי א׳:כ״ו

    גם אני באידכם אשחק אלעג בבא פחדכם׃

  24. מִשְׁלֵי א׳:כ״ז

    בבא כשאוה פחדכם ואידכם כסופה יאתה בבא עליכם צרה וצוקה׃

  25. מִשְׁלֵי א׳:כ״ח

    אז יקראנני ולא אענה ישחרנני ולא ימצאנני׃