פסוקים על Judgments: Upon Abimelech

ויבא אבימלך עד המגדל וילחם בו ויגש עד פתח המגדל לשרפו באש׃

ותשלך אשה אחת פלח רכב על ראש אבימלך ותרץ את גלגלתו׃

ויקרא מהרה אל הנער נשא כליו ויאמר לו שלף חרבך ומותתני פן יאמרו לי אשה הרגתהו וידקרהו נערו וימת׃

ויראו איש ישראל כי מת אבימלך וילכו איש למקמו׃

וישב אלהים את רעת אבימלך אשר עשה לאביו להרג את שבעים אחיו׃

ואת כל רעת אנשי שכם השיב אלהים בראשם ותבא אליהם קללת יותם בן ירבעל׃