פסוקים על Earth

ואז ישלח את מלאכיו ויקבץ את בחיריו מארבע הרוחות מקצה הארץ עד קצה השמים׃

למדו נא את משל התאנה כשירטב ענפה ופרח עלה ידעתם כי קרוב הקיץ׃

כן אף אתם בראתכם כי היו כל אלה דעו כי קרוב הוא לפתח׃

אמן אמר אני לכם לא יעבר הדור הזה עד אשר יהיו כל אלה׃

השמים והארץ יעברו ודברי לא יעברון׃

אך עת בוא היום ההוא והשעה ההיא אין איש יודע אותה גם לא מלאכי השמים גם לא הבן מבלעדי האב׃

ראו שקדו והתפללו כי לא ידעתם מתי תהיה העת׃

והיה כאיש הולך למרחק אשר עזב את ביתו ויתן שלטן לעבדיו ולאיש איש את מלאכתו וגם את השוער צוה לשקד׃

לכן שקדו כי לא ידעתם מתי יבוא בעל הבית אם לעת ערב או בחצות הלילה אם בעת קריאת הגבר או בבקר׃

פן יבוא פתאם ומצא אתכם ישנים׃

ואת אשר אמרתי לכם אמר אני לכל שקדו׃

וימוגו בני האדם מאימה ומחרדת הבאות על כל הארץ כי כחות השמים יתמוטטו׃

ואז יראו את בן האדם בא בענן בגבורה ובכבוד רב׃

וכאשר תחל להיות זאת התעודדו ושאו ראשיכם כי קרובה גאלתכם לבוא׃

וידבר אליהם משל ראו את התאנה ואת כל העצים׃

כי תראו אתם מוציאים את פרחם הלא ידעתם כי קרב הקיץ׃

ככה אף אתם בבא אלה לעיניכם דעו כי קרובה מלכות האלהים׃

אמן אמר אני לכם לא יעבר הדור הזה עד כי יהיה הכל׃

השמים והארץ יעברו ודברי לא יעברון׃

רק השמרו לכם פן יכבד לבבכם בסבא ובשכרון ובדאגות המחיה ובא עליכם היום ההוא פתאם׃

כי כמו פח יבוא על כל הישבים על פני כל הארץ׃

לכן שקדו בכל עת והתפללו למען תעצרו כח להמלט מכל העתידות האלה ולהתיצב לפני בן האדם׃

כי הבריאה תערג ועיניה תלויות להתגלות בני אלהים׃

כי נכבשה הבריאה להבל לא מרצונה כי אם למען הכבש אתה אלי תקוה׃

אשר הבריאה גם היא תשחרר מעבדות הכליון אל חרות כבוד בני האלהים׃