פסוקים על Earth

ויאמר אלהים יהי רקיע בתוך המים ויהי מבדיל בין מים למים׃

ויעש אלהים את הרקיע ויבדל בין המים אשר מתחת לרקיע ובין המים אשר מעל לרקיע ויהי כן׃

ולאדם אמר כי שמעת לקול אשתך ותאכל מן העץ אשר צויתיך לאמר לא תאכל ממנו ארורה האדמה בעבורך בעצבון תאכלנה כל ימי חייך׃

וקוץ ודרדר תצמיח לך ואכלת את עשב השדה׃

לפנים הארץ יסדת ומעשה ידיך שמים׃

המה יאבדו ואתה תעמד וכלם כבגד יבלו כלבוש תחליפם ויחלפו׃

ואתה הוא ושנותיך לא יתמו׃

יסד ארץ על מכוניה בל תמוט עולם ועד׃

תהום כלבוש כסיתו על הרים יעמדו מים׃

מן גערתך ינוסון מן קול רעמך יחפזון׃

יעלו הרים ירדו בקעות אל מקום זה יסדת להם׃

גבול שמת בל יעברון בל ישובון לכסות הארץ׃

רעה התרעעה הארץ פור התפוררה ארץ מוט התמוטטה ארץ׃

נוע תנוע ארץ כשכור והתנודדה כמלונה וכבד עליה פשעה ונפלה ולא תסיף קום׃

ומיד אחרי צרת הימים ההם תחשך השמש והירח לא יגיה אורו והכוכבים יפלו מן השמים וכחות השמים יתמוטטו׃

אז אות בן האדם יראה בשמים וספדו כל משפחות הארץ וראו את בן האדם בא עם ענני השמים בגבורה וכבוד רב׃

וישלח את מלאכיו בקול שופר גדול ויקבצו את בחיריו מארבע הרוחות למקצה השמים ועד קצה השמים׃

השמים והארץ יעברו ודברי לא יעברון׃

אך היום ההוא והשעה ההיא אין איש יודע אתה גם לא מלאכי השמים בלתי אבי לבדו׃

וכימי נח כן יהיה גם בואו של בן האדם׃

כי כאשר בימי המבול היו אכלים ושתים נשאים נשים ונתנים אתן לאנשים עד היום אשר בא נח אל התבה׃

ולא ידעו עד בוא המבול וישחת את כלם כן יהיה גם בואו של בן האדם׃

והיה בימים ההם אחרי הצרה ההיא תחשך השמש והירח לא יגיה אורו׃

והכוכבים יפלו מן השמים וכחות השמים יתמוטטו׃

ואז יראו את בן האדם בא בעננים בגבורה רבה ובכבוד׃