פסוקים על Despondency

המחכים למות ואיננו ויחפרהו ממטמונים׃

השמחים אלי גיל ישישו כי ימצאו קבר׃

לגבר אשר דרכו נסתרה ויסך אלוה בעדו׃

כי לפני לחמי אנחתי תבא ויתכו כמים שאגתי׃

כי פחד פחדתי ויאתיני ואשר יגרתי יבא לי׃

לא שלותי ולא שקטתי ולא נחתי ויבא רגז׃

אם אקוה שאול ביתי בחשך רפדתי יצועי׃

לשחת קראתי אבי אתה אמי ואחתי לרמה׃

ואיה אפו תקותי ותקותי מי ישורנה׃

בדי שאל תרדנה אם יחד על עפר נחת׃

הלעולמים יזנח אדני ולא יסיף לרצות עוד׃

האפס לנצח חסדו גמר אמר לדר ודר׃

השכח חנות אל אם קפץ באף רחמיו סלה׃

¶ אני הגבר ראה עני בשבט עברתו׃

אותי נהג וילך חשך ולא אור׃

אך בי ישב יהפך ידו כל היום׃

בלה בשרי ועורי שבר עצמותי׃

בנה עלי ויקף ראש ותלאה׃

במחשכים הושיבני כמתי עולם׃

גדר בעדי ולא אצא הכביד נחשתי׃

גם כי אזעק ואשוע שתם תפלתי׃

גדר דרכי בגזית נתיבתי עוה׃

דב ארב הוא לי אריה במסתרים׃

דרכי סורר ויפשחני שמני שמם׃

דרך קשתו ויציבני כמטרא לחץ׃