פסוקים על Commerce

82 פסוקים · 64 היבטים

פסוקי מפתח

סינון לפי ספר
  1. תְהִלִּים ק״ז:כ״ט

    יקם סערה לדממה ויחשו גליהם׃

  2. תְהִלִּים ק״ז:ל׳

    וישמחו כי ישתקו וינחם אל מחוז חפצם׃

  3. מִשְׁלֵי ל״א:י״ד

    היתה כאניות סוחר ממרחק תביא לחמה׃

  4. מִשְׁלֵי ל״א:ט״ו

    ותקם בעוד לילה ותתן טרף לביתה וחק לנערתיה׃

  5. מִשְׁלֵי ל״א:ט״ז

    זממה שדה ותקחהו מפרי כפיה נטע כרם׃

  6. מִשְׁלֵי ל״א:י״ז

    חגרה בעוז מתניה ותאמץ זרעותיה׃

  7. מִשְׁלֵי ל״א:י״ח

    טעמה כי טוב סחרה לא יכבה בליל נרה׃

  8. יְחֶזְקֵאל כ״ז:ל״ב

    ונשאו אליך בניהם קינה וקוננו עליך מי כצור כדמה בתוך הים׃

  9. יְחֶזְקֵאל כ״ז:ל״ג

    בצאת עזבוניך מימים השבעת עמים רבים ברב הוניך ומערביך העשרת מלכי ארץ׃

  10. יְחֶזְקֵאל כ״ז:ל״ד

    עת נשברת מימים במעמקי מים מערבך וכל קהלך בתוכך נפלו׃

  11. יְחֶזְקֵאל כ״ז:ל״ה

    כל ישבי האיים שממו עליך ומלכיהם שערו שער רעמו פנים׃

  12. יְחֶזְקֵאל כ״ז:ל״ו

    סחרים בעמים שרקו עליך בלהות היית ואינך עד עולם׃

  13. יְחֶזְקֵאל כ״ח:ט״ז

    ברב רכלתך מלו תוכך חמס ותחטא ואחללך מהר אלהים ואבדך כרוב הסכך מתוך אבני אש׃

  14. יְחֶזְקֵאל כ״ח:י״ז

    גבה לבך ביפיך שחת חכמתך על יפעתך על ארץ השלכתיך לפני מלכים נתתיך לראוה בך׃

  15. יְחֶזְקֵאל כ״ח:י״ח

    מרב עוניך בעול רכלתך חללת מקדשיך ואוצא אש מתוכך היא אכלתך ואתנך לאפר על הארץ לעיני כל ראיך׃

  16. חזוֹן יוֹחָנָן י״ח:ג׳

    כי מיין חמת זנותה שתו כל הגוים ומלכי ארץ זנו עמה וסחרי ארץ משפעת תענגיה העשירו׃

  17. חזוֹן יוֹחָנָן י״ח:ד׳

    ואשמע קול אחר מן השמים האמר צאו ממנה עמי פן תתחברו אל חטאתיה ופן תקחו ממכותיה׃

  18. חזוֹן יוֹחָנָן י״ח:ה׳

    כי חטאתיה הגיעו עד לשמים ויזכר אלהים את עונותיה׃

  19. חזוֹן יוֹחָנָן י״ח:ו׳

    שלמו לה גמולה שגמלה לכם ועשו לה כפלים כפעלה בכוס אשר מסכה מסכו לה כפלים׃

  20. חזוֹן יוֹחָנָן י״ח:ז׳

    כאשר התרוממה והתענגה כן תנו לה חבל ואבל כי אמרה התרוממה והתענגה כן תנו לה חבל ואבל כי אמרה בלבבה אני ישבתי מלכה ולא אהיה אלמנה ואבל לא אראה׃

  21. חזוֹן יוֹחָנָן י״ח:ח׳

    על כן רגע ביום אחד תבאנה מכותיה מות ואבל ורעב ותשרף במו אש כי חזק יהוה אלהים השפט אתה׃

  22. חזוֹן יוֹחָנָן י״ח:ט׳

    ויבכו ויספדו עליה מלכי ארץ אשר זנו והתענגו עמה בראתם את עשן שרפתה׃

  23. חזוֹן יוֹחָנָן י״ח:י׳

    ומרחוק יעמדו מפני אימת ענויה ואמרו אוי אוי לך בבל העיר הגדולה העיר החזקה כי בשעה אחת בא משפטך׃

  24. חזוֹן יוֹחָנָן י״ח:י״א

    וסחרי הארץ בכים ומתאבלים עליה כי עתה לא יקנה עוד איש את משא אניותם׃

  25. חזוֹן יוֹחָנָן י״ח:י״ב

    את משא זהב וכסף ואבן יקרה ופנינים ובוץ וארגמן ומשי ושני וכל עצי בשם וכל כלי שנהבים וכל כלי עץ יקר וכלי נחשת וברזל ושיש׃