פסוקים על Abishai

43 פסוקים · 11 היבטים

פסוקי מפתח

2 שְׁמוּאֵל כ׳:ט״ו
ויבאו ויצרו עליו באבלה בית המעכה וישפכו סללה אל העיר ותעמד בחל וכל העם אשר את יואב משחיתם להפיל החומה׃
2 שְׁמוּאֵל כ׳:ט״ז
ותקרא אשה חכמה מן העיר שמעו שמעו אמרו נא אל יואב קרב עד הנה ואדברה אליך׃
2 שְׁמוּאֵל כ׳:י״ז
ויקרב אליה ותאמר האשה האתה יואב ויאמר אני ותאמר לו שמע דברי אמתך ויאמר שמע אנכי׃
2 שְׁמוּאֵל כ׳:י״ח
ותאמר לאמר דבר ידברו בראשנה לאמר שאל ישאלו באבל וכן התמו׃
2 שְׁמוּאֵל כ׳:י״ט
אנכי שלמי אמוני ישראל אתה מבקש להמית עיר ואם בישראל למה תבלע נחלת יהוה׃
2 שְׁמוּאֵל כ׳:כ׳
ויען יואב ויאמר חלילה חלילה לי אם אבלע ואם אשחית׃
2 שְׁמוּאֵל כ׳:כ״א
לא כן הדבר כי איש מהר אפרים שבע בן בכרי שמו נשא ידו במלך בדוד תנו אתו לבדו ואלכה מעל העיר ותאמר האשה אל יואב הנה ראשו משלך אליך בעד החומה׃
2 שְׁמוּאֵל כ׳:כ״ב
ותבוא האשה אל כל העם בחכמתה ויכרתו את ראש שבע בן בכרי וישלכו אל יואב ויתקע בשופר ויפצו מעל העיר איש לאהליו ויואב שב ירושלם אל המלך׃
2 שְׁמוּאֵל כ״א:י״ז
ויעזר לו אבישי בן צרויה ויך את הפלשתי וימיתהו אז נשבעו אנשי דוד לו לאמר לא תצא עוד אתנו למלחמה ולא תכבה את נר ישראל׃
2 שְׁמוּאֵל כ״ג:י״ח
ואבישי אחי יואב בן צרויה הוא ראש השלשי והוא עורר את חניתו על שלש מאות חלל ולו שם בשלשה׃
1 דִּבְרֵי הַיָּמִים ב׳:ט״ז
ואחיתיהם צרויה ואביגיל ובני צרויה אבשי ויואב ועשה אל שלשה׃
1 דִּבְרֵי הַיָּמִים י״א:ט״ו
וירדו שלושה מן השלושים ראש על הצר אל דויד אל מערת עדלם ומחנה פלשתים חנה בעמק רפאים׃
1 דִּבְרֵי הַיָּמִים י״א:ט״ז
ודויד אז במצודה ונציב פלשתים אז בבית לחם׃
1 דִּבְרֵי הַיָּמִים י״א:י״ז
ויתאו דויד ויאמר מי ישקני מים מבור בית לחם אשר בשער׃
1 דִּבְרֵי הַיָּמִים י״א:י״ח
ויבקעו השלשה במחנה פלשתים וישאבו מים מבור בית לחם אשר בשער וישאו ויבאו אל דויד ולא אבה דויד לשתותם וינסך אתם ליהוה׃
1 דִּבְרֵי הַיָּמִים י״א:י״ט
ויאמר חלילה לי מאלהי מעשות זאת הדם האנשים האלה אשתה בנפשותם כי בנפשותם הביאום ולא אבה לשתותם אלה עשו שלשת הגבורים׃
1 דִּבְרֵי הַיָּמִים י״א:כ׳
ואבשי אחי יואב הוא היה ראש השלושה והוא עורר את חניתו על שלש מאות חלל ולא שם בשלושה׃
1 דִּבְרֵי הַיָּמִים י״ח:י״ב
ואבשי בן צרויה הכה את אדום בגיא המלח שמונה עשר אלף׃

מציג 26–43 מתוך 43 פסוקים

הקודם 1 2