circa 800–400 BC

The Hebrew Prophets

God speaks through Isaiah, Jeremiah, and the minor prophets—calling Israel to repentance and foretelling the coming Messiah.

3,706 פסוקים · 14 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְשַׁעְיָהוּ ל״ה:י׳בערך תשי״ג לפנה״ס

    ופדויי יהוה ישבון ובאו ציון ברנה ושמחת עולם על ראשם ששון ושמחה ישיגו ונסו יגון ואנחה׃

  2. יְשַׁעְיָהוּ ל״ו:א׳

    ¶ ויהי בארבע עשרה שנה למלך חזקיהו עלה סנחריב מלך אשור על כל ערי יהודה הבצרות ויתפשם׃

  3. יְשַׁעְיָהוּ ל״ו:ב׳בערך תש״י לפנה״ס

    וישלח מלך אשור את רב שקה מלכיש ירושלמה אל המלך חזקיהו בחיל כבד ויעמד בתעלת הברכה העליונה במסלת שדה כובס׃

  4. יְשַׁעְיָהוּ ל״ו:ג׳בערך תש״י לפנה״ס

    ויצא אליו אליקים בן חלקיהו אשר על הבית ושבנא הספר ויואח בן אסף המזכיר׃

  5. יְשַׁעְיָהוּ ל״ו:ד׳בערך תש״י לפנה״ס

    ויאמר אליהם רב שקה אמרו נא אל חזקיהו כה אמר המלך הגדול מלך אשור מה הבטחון הזה אשר בטחת׃

  6. יְשַׁעְיָהוּ ל״ו:ה׳בערך תש״י לפנה״ס

    אמרתי אך דבר שפתים עצה וגבורה למלחמה עתה על מי בטחת כי מרדת בי׃

  7. יְשַׁעְיָהוּ ל״ו:ו׳בערך תש״י לפנה״ס

    הנה בטחת על משענת הקנה הרצוץ הזה על מצרים אשר יסמך איש עליו ובא בכפו ונקבה כן פרעה מלך מצרים לכל הבטחים עליו׃

  8. יְשַׁעְיָהוּ ל״ו:ז׳בערך תש״י לפנה״ס

    וכי תאמר אלי אל יהוה אלהינו בטחנו הלוא הוא אשר הסיר חזקיהו את במתיו ואת מזבחתיו ויאמר ליהודה ולירושלם לפני המזבח הזה תשתחוו׃

  9. יְשַׁעְיָהוּ ל״ו:ח׳בערך תש״י לפנה״ס

    ועתה התערב נא את אדני המלך אשור ואתנה לך אלפים סוסים אם תוכל לתת לך רכבים עליהם׃

  10. יְשַׁעְיָהוּ ל״ו:ט׳בערך תש״י לפנה״ס

    ואיך תשיב את פני פחת אחד עבדי אדני הקטנים ותבטח לך על מצרים לרכב ולפרשים׃

  11. יְשַׁעְיָהוּ ל״ו:י׳בערך תש״י לפנה״ס

    ועתה המבלעדי יהוה עליתי על הארץ הזאת להשחיתה יהוה אמר אלי עלה אל הארץ הזאת והשחיתה׃

  12. יְשַׁעְיָהוּ ל״ו:י״אבערך תש״י לפנה״ס

    ויאמר אליקים ושבנא ויואח אל רב שקה דבר נא אל עבדיך ארמית כי שמעים אנחנו ואל תדבר אלינו יהודית באזני העם אשר על החומה׃

  13. יְשַׁעְיָהוּ ל״ו:י״בבערך תש״י לפנה״ס

    ויאמר רב שקה האל אדניך ואליך שלחני אדני לדבר את הדברים האלה הלא על האנשים הישבים על החומה לאכל את חראיהם ולשתות את שיניהם עמכם׃

  14. יְשַׁעְיָהוּ ל״ו:י״גבערך תש״י לפנה״ס

    ויעמד רב שקה ויקרא בקול גדול יהודית ויאמר שמעו את דברי המלך הגדול מלך אשור׃

  15. יְשַׁעְיָהוּ ל״ו:י״דבערך תש״י לפנה״ס

    כה אמר המלך אל ישא לכם חזקיהו כי לא יוכל להציל אתכם׃

  16. יְשַׁעְיָהוּ ל״ו:ט״ובערך תש״י לפנה״ס

    ואל יבטח אתכם חזקיהו אל יהוה לאמר הצל יצילנו יהוה לא תנתן העיר הזאת ביד מלך אשור׃

  17. יְשַׁעְיָהוּ ל״ו:ט״זבערך תש״י לפנה״ס

    אל תשמעו אל חזקיהו כי כה אמר המלך אשור עשו אתי ברכה וצאו אלי ואכלו איש גפנו ואיש תאנתו ושתו איש מי בורו׃

  18. יְשַׁעְיָהוּ ל״ו:י״זבערך תש״י לפנה״ס

    עד באי ולקחתי אתכם אל ארץ כארצכם ארץ דגן ותירוש ארץ לחם וכרמים׃

  19. יְשַׁעְיָהוּ ל״ו:י״חבערך תש״י לפנה״ס

    פן יסית אתכם חזקיהו לאמר יהוה יצילנו ההצילו אלהי הגוים איש את ארצו מיד מלך אשור׃

  20. יְשַׁעְיָהוּ ל״ו:י״טבערך תש״י לפנה״ס

    איה אלהי חמת וארפד איה אלהי ספרוים וכי הצילו את שמרון מידי׃

  21. יְשַׁעְיָהוּ ל״ו:כ׳בערך תש״י לפנה״ס

    מי בכל אלהי הארצות האלה אשר הצילו את ארצם מידי כי יציל יהוה את ירושלם מידי׃

  22. יְשַׁעְיָהוּ ל״ו:כ״אבערך תש״י לפנה״ס

    ויחרישו ולא ענו אתו דבר כי מצות המלך היא לאמר לא תענהו׃

  23. יְשַׁעְיָהוּ ל״ו:כ״בבערך תש״י לפנה״ס

    ויבא אליקים בן חלקיהו אשר על הבית ושבנא הסופר ויואח בן אסף המזכיר אל חזקיהו קרועי בגדים ויגידו לו את דברי רב שקה׃

  24. יְשַׁעְיָהוּ ל״ז:א׳בערך תש״י לפנה״ס

    ¶ ויהי כשמע המלך חזקיהו ויקרע את בגדיו ויתכס בשק ויבא בית יהוה׃

  25. יְשַׁעְיָהוּ ל״ז:ב׳בערך תש״י לפנה״ס

    וישלח את אליקים אשר על הבית ואת שבנא הסופר ואת זקני הכהנים מתכסים בשקים אל ישעיהו בן אמוץ הנביא׃