circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שְׁמֹות ל״ד:כ״ז

    ויאמר יהוה אל משה כתב לך את הדברים האלה כי על פי הדברים האלה כרתי אתך ברית ואת ישראל׃

  2. שְׁמֹות ל״ד:כ״ח

    ויהי שם עם יהוה ארבעים יום וארבעים לילה לחם לא אכל ומים לא שתה ויכתב על הלחת את דברי הברית עשרת הדברים׃

  3. שְׁמֹות ל״ד:כ״טבערך תצ״א לפנה״ס

    ויהי ברדת משה מהר סיני ושני לחת העדת ביד משה ברדתו מן ההר ומשה לא ידע כי קרן עור פניו בדברו אתו׃

  4. שְׁמֹות ל״ד:ל׳בערך תצ״א לפנה״ס

    וירא אהרן וכל בני ישראל את משה והנה קרן עור פניו וייראו מגשת אליו׃

  5. שְׁמֹות ל״ד:ל״אבערך תצ״א לפנה״ס

    ויקרא אלהם משה וישבו אליו אהרן וכל הנשאים בעדה וידבר משה אלהם׃

  6. שְׁמֹות ל״ד:ל״בבערך תצ״א לפנה״ס

    ואחרי כן נגשו כל בני ישראל ויצום את כל אשר דבר יהוה אתו בהר סיני׃

  7. שְׁמֹות ל״ד:ל״גבערך תצ״א לפנה״ס

    ויכל משה מדבר אתם ויתן על פניו מסוה׃

  8. שְׁמֹות ל״ד:ל״דבערך תצ״א לפנה״ס

    ובבא משה לפני יהוה לדבר אתו יסיר את המסוה עד צאתו ויצא ודבר אל בני ישראל את אשר יצוה׃

  9. שְׁמֹות ל״ד:ל״הבערך תצ״א לפנה״ס

    וראו בני ישראל את פני משה כי קרן עור פני משה והשיב משה את המסוה על פניו עד באו לדבר אתו׃

  10. שְׁמֹות ל״ה:א׳בערך תצ״א לפנה״ס

    ¶ ויקהל משה את כל עדת בני ישראל ויאמר אלהם אלה הדברים אשר צוה יהוה לעשת אתם׃

  11. שְׁמֹות ל״ה:ב׳בערך תצ״א לפנה״ס

    ששת ימים תעשה מלאכה וביום השביעי יהיה לכם קדש שבת שבתון ליהוה כל העשה בו מלאכה יומת׃

  12. שְׁמֹות ל״ה:ג׳בערך תצ״א לפנה״ס

    לא תבערו אש בכל משבתיכם ביום השבת׃

  13. שְׁמֹות ל״ה:ד׳בערך תצ״א לפנה״ס

    ויאמר משה אל כל עדת בני ישראל לאמר זה הדבר אשר צוה יהוה לאמר׃

  14. שְׁמֹות ל״ה:ה׳בערך תצ״א לפנה״ס

    קחו מאתכם תרומה ליהוה כל נדיב לבו יביאה את תרומת יהוה זהב וכסף ונחשת׃

  15. שְׁמֹות ל״ה:ו׳בערך תצ״א לפנה״ס

    ותכלת וארגמן ותולעת שני ושש ועזים׃

  16. שְׁמֹות ל״ה:ז׳בערך תצ״א לפנה״ס

    וערת אילם מאדמים וערת תחשים ועצי שטים׃

  17. שְׁמֹות ל״ה:ח׳בערך תצ״א לפנה״ס

    ושמן למאור ובשמים לשמן המשחה ולקטרת הסמים׃

  18. שְׁמֹות ל״ה:ט׳בערך תצ״א לפנה״ס

    ואבני שהם ואבני מלאים לאפוד ולחשן׃

  19. שְׁמֹות ל״ה:י׳בערך תצ״א לפנה״ס

    וכל חכם לב בכם יבאו ויעשו את כל אשר צוה יהוה׃

  20. שְׁמֹות ל״ה:י״אבערך תצ״א לפנה״ס

    את המשכן את אהלו ואת מכסהו את קרסיו ואת קרשיו את בריחו את עמדיו ואת אדניו׃

  21. שְׁמֹות ל״ה:י״בבערך תצ״א לפנה״ס

    את הארן ואת בדיו את הכפרת ואת פרכת המסך׃

  22. שְׁמֹות ל״ה:י״גבערך תצ״א לפנה״ס

    את השלחן ואת בדיו ואת כל כליו ואת לחם הפנים׃

  23. שְׁמֹות ל״ה:י״דבערך תצ״א לפנה״ס

    ואת מנרת המאור ואת כליה ואת נרתיה ואת שמן המאור׃

  24. שְׁמֹות ל״ה:ט״ובערך תצ״א לפנה״ס

    ואת מזבח הקטרת ואת בדיו ואת שמן המשחה ואת קטרת הסמים ואת מסך הפתח לפתח המשכן׃

  25. שְׁמֹות ל״ה:ט״זבערך תצ״א לפנה״ס

    את מזבח העלה ואת מכבר הנחשת אשר לו את בדיו ואת כל כליו את הכיר ואת כנו׃