Saul

265 פסוקים · 11 בני משפחה

פסוקים המזכירים את Saul

סינון לפי ספר
  1. 1 שְׁמוּאֵל ט״ו:ט׳

    ויחמל שאול והעם על אגג ועל מיטב הצאן והבקר והמשנים ועל הכרים ועל כל הטוב ולא אבו החרימם וכל המלאכה נמבזה ונמס אתה החרימו׃

  2. 1 שְׁמוּאֵל ט״ו:י״א

    נחמתי כי המלכתי את שאול למלך כי שב מאחרי ואת דברי לא הקים ויחר לשמואל ויזעק אל יהוה כל הלילה׃

  3. 1 שְׁמוּאֵל ט״ו:י״ב

    וישכם שמואל לקראת שאול בבקר ויגד לשמואל לאמר בא שאול הכרמלה והנה מציב לו יד ויסב ויעבר וירד הגלגל׃

  4. 1 שְׁמוּאֵל ט״ו:י״ג

    ויבא שמואל אל שאול ויאמר לו שאול ברוך אתה ליהוה הקימתי את דבר יהוה׃

  5. 1 שְׁמוּאֵל ט״ו:ט״ו

    ויאמר שאול מעמלקי הביאום אשר חמל העם על מיטב הצאן והבקר למען זבח ליהוה אלהיך ואת היותר החרמנו׃

  6. 1 שְׁמוּאֵל ט״ו:ט״ז

    ויאמר שמואל אל שאול הרף ואגידה לך את אשר דבר יהוה אלי הלילה ויאמרו לו דבר׃

  7. 1 שְׁמוּאֵל ט״ו:כ׳

    ויאמר שאול אל שמואל אשר שמעתי בקול יהוה ואלך בדרך אשר שלחני יהוה ואביא את אגג מלך עמלק ואת עמלק החרמתי׃

  8. 1 שְׁמוּאֵל ט״ו:כ״ד

    ויאמר שאול אל שמואל חטאתי כי עברתי את פי יהוה ואת דבריך כי יראתי את העם ואשמע בקולם׃

  9. 1 שְׁמוּאֵל ט״ו:כ״ו

    ויאמר שמואל אל שאול לא אשוב עמך כי מאסתה את דבר יהוה וימאסך יהוה מהיות מלך על ישראל׃

  10. 1 שְׁמוּאֵל ט״ו:ל״א

    וישב שמואל אחרי שאול וישתחו שאול ליהוה׃

  11. 1 שְׁמוּאֵל ט״ו:ל״ד

    וילך שמואל הרמתה ושאול עלה אל ביתו גבעת שאול׃

  12. 1 שְׁמוּאֵל ט״ו:ל״ה

    ולא יסף שמואל לראות את שאול עד יום מותו כי התאבל שמואל אל שאול ויהוה נחם כי המליך את שאול על ישראל׃

  13. 1 שְׁמוּאֵל ט״ז:א׳

    ¶ ויאמר יהוה אל שמואל עד מתי אתה מתאבל אל שאול ואני מאסתיו ממלך על ישראל מלא קרנך שמן ולך אשלחך אל ישי בית הלחמי כי ראיתי בבניו לי מלך׃

  14. 1 שְׁמוּאֵל ט״ז:ב׳

    ויאמר שמואל איך אלך ושמע שאול והרגני ויאמר יהוה עגלת בקר תקח בידך ואמרת לזבח ליהוה באתי׃

  15. 1 שְׁמוּאֵל ט״ז:י״ד

    ורוח יהוה סרה מעם שאול ובעתתו רוח רעה מאת יהוה׃

  16. 1 שְׁמוּאֵל ט״ז:ט״ו

    ויאמרו עבדי שאול אליו הנה נא רוח אלהים רעה מבעתך׃

  17. 1 שְׁמוּאֵל ט״ז:י״ז

    ויאמר שאול אל עבדיו ראו נא לי איש מיטיב לנגן והביאותם אלי׃

  18. 1 שְׁמוּאֵל ט״ז:י״ט

    וישלח שאול מלאכים אל ישי ויאמר שלחה אלי את דוד בנך אשר בצאן׃

  19. 1 שְׁמוּאֵל ט״ז:כ׳

    ויקח ישי חמור לחם ונאד יין וגדי עזים אחד וישלח ביד דוד בנו אל שאול׃

  20. 1 שְׁמוּאֵל ט״ז:כ״א

    ויבא דוד אל שאול ויעמד לפניו ויאהבהו מאד ויהי לו נשא כלים׃

  21. 1 שְׁמוּאֵל ט״ז:כ״ב

    וישלח שאול אל ישי לאמר יעמד נא דוד לפני כי מצא חן בעיני׃

  22. 1 שְׁמוּאֵל ט״ז:כ״ג

    והיה בהיות רוח אלהים אל שאול ולקח דוד את הכנור ונגן בידו ורוח לשאול וטוב לו וסרה מעליו רוח הרעה׃

  23. 1 שְׁמוּאֵל י״ז:ב׳

    ושאול ואיש ישראל נאספו ויחנו בעמק האלה ויערכו מלחמה לקראת פלשתים׃

  24. 1 שְׁמוּאֵל י״ז:ח׳

    ויעמד ויקרא אל מערכת ישראל ויאמר להם למה תצאו לערך מלחמה הלוא אנכי הפלשתי ואתם עבדים לשאול ברו לכם איש וירד אלי׃

  25. 1 שְׁמוּאֵל י״ז:י״א

    וישמע שאול וכל ישראל את דברי הפלשתי האלה ויחתו ויראו מאד׃