פסוקים על Michal

26 פסוקים · 5 היבטים

פסוקי מפתח

1 שְׁמוּאֵל י״ח:כ״ב
ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלך׃
1 שְׁמוּאֵל י״ח:כ״ג
וידברו עבדי שאול באזני דוד את הדברים האלה ויאמר דוד הנקלה בעיניכם התחתן במלך ואנכי איש רש ונקלה׃
1 שְׁמוּאֵל י״ח:כ״ד
ויגדו עבדי שאול לו לאמר כדברים האלה דבר דוד׃
1 שְׁמוּאֵל י״ח:כ״ה
ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתים׃
1 שְׁמוּאֵל י״ח:כ״ו
ויגדו עבדיו לדוד את הדברים האלה וישר הדבר בעיני דוד להתחתן במלך ולא מלאו הימים׃
1 שְׁמוּאֵל י״ח:כ״ז
ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה׃
1 שְׁמוּאֵל י״ח:כ״ח
וירא שאול וידע כי יהוה עם דוד ומיכל בת שאול אהבתהו׃
1 שְׁמוּאֵל י״ט:ט׳
ותהי רוח יהוה רעה אל שאול והוא בביתו יושב וחניתו בידו ודוד מנגן ביד׃
1 שְׁמוּאֵל י״ט:י׳
ויבקש שאול להכות בחנית בדוד ובקיר ויפטר מפני שאול ויך את החנית בקיר ודוד נס וימלט בלילה הוא׃
1 שְׁמוּאֵל י״ט:י״א
וישלח שאול מלאכים אל בית דוד לשמרו ולהמיתו בבקר ותגד לדוד מיכל אשתו לאמר אם אינך ממלט את נפשך הלילה מחר אתה מומת׃
1 שְׁמוּאֵל י״ט:י״ב
ותרד מיכל את דוד בעד החלון וילך ויברח וימלט׃
1 שְׁמוּאֵל י״ט:י״ג
ותקח מיכל את התרפים ותשם אל המטה ואת כביר העזים שמה מראשתיו ותכס בבגד׃
1 שְׁמוּאֵל י״ט:י״ד
וישלח שאול מלאכים לקחת את דוד ותאמר חלה הוא׃
1 שְׁמוּאֵל י״ט:ט״ו
וישלח שאול את המלאכים לראות את דוד לאמר העלו אתו במטה אלי להמתו׃
1 שְׁמוּאֵל י״ט:ט״ז
ויבאו המלאכים והנה התרפים אל המטה וכביר העזים מראשתיו׃
1 שְׁמוּאֵל י״ט:י״ז
ויאמר שאול אל מיכל למה ככה רמיתני ותשלחי את איבי וימלט ותאמר מיכל אל שאול הוא אמר אלי שלחני למה אמיתך׃
1 שְׁמוּאֵל כ״ה:מ״ד
ושאול נתן את מיכל בתו אשת דוד לפלטי בן ליש אשר מגלים׃
2 שְׁמוּאֵל ג׳:י״ג
ויאמר טוב אני אכרת אתך ברית אך דבר אחד אנכי שאל מאתך לאמר לא תראה את פני כי אם לפני הביאך את מיכל בת שאול בבאך לראות את פני׃
2 שְׁמוּאֵל ג׳:י״ד
וישלח דוד מלאכים אל איש בשת בן שאול לאמר תנה את אשתי את מיכל אשר ארשתי לי במאה ערלות פלשתים׃
2 שְׁמוּאֵל ג׳:ט״ו
וישלח איש בשת ויקחה מעם איש מעם פלטיאל בן לוש׃
2 שְׁמוּאֵל ג׳:ט״ז
וילך אתה אישה הלוך ובכה אחריה עד בחרים ויאמר אליו אבנר לך שוב וישב׃
2 שְׁמוּאֵל ו׳:ט״ז
והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה׃
2 שְׁמוּאֵל ו׳:כ׳
וישב דוד לברך את ביתו ותצא מיכל בת שאול לקראת דוד ותאמר מה נכבד היום מלך ישראל אשר נגלה היום לעיני אמהות עבדיו כהגלות נגלות אחד הרקים׃
2 שְׁמוּאֵל ו׳:כ״א
ויאמר דוד אל מיכל לפני יהוה אשר בחר בי מאביך ומכל ביתו לצות אתי נגיד על עם יהוה על ישראל ושחקתי לפני יהוה׃
2 שְׁמוּאֵל ו׳:כ״ב
ונקלתי עוד מזאת והייתי שפל בעיני ועם האמהות אשר אמרת עמם אכבדה׃

מציג 1–25 מתוך 26 פסוקים

1 2 הבא