פסוקים על Michal: Rescues David from death

9 פסוקים · 5 היבטים

פסוקים על Rescues David from death

  1. 1 שְׁמוּאֵל י״ט:ט׳

    ותהי רוח יהוה רעה אל שאול והוא בביתו יושב וחניתו בידו ודוד מנגן ביד׃

  2. 1 שְׁמוּאֵל י״ט:י׳

    ויבקש שאול להכות בחנית בדוד ובקיר ויפטר מפני שאול ויך את החנית בקיר ודוד נס וימלט בלילה הוא׃

  3. 1 שְׁמוּאֵל י״ט:י״א

    וישלח שאול מלאכים אל בית דוד לשמרו ולהמיתו בבקר ותגד לדוד מיכל אשתו לאמר אם אינך ממלט את נפשך הלילה מחר אתה מומת׃

  4. 1 שְׁמוּאֵל י״ט:י״ב

    ותרד מיכל את דוד בעד החלון וילך ויברח וימלט׃

  5. 1 שְׁמוּאֵל י״ט:י״ג

    ותקח מיכל את התרפים ותשם אל המטה ואת כביר העזים שמה מראשתיו ותכס בבגד׃

  6. 1 שְׁמוּאֵל י״ט:י״ד

    וישלח שאול מלאכים לקחת את דוד ותאמר חלה הוא׃

  7. 1 שְׁמוּאֵל י״ט:ט״ו

    וישלח שאול את המלאכים לראות את דוד לאמר העלו אתו במטה אלי להמתו׃

  8. 1 שְׁמוּאֵל י״ט:ט״ז

    ויבאו המלאכים והנה התרפים אל המטה וכביר העזים מראשתיו׃

  9. 1 שְׁמוּאֵל י״ט:י״ז

    ויאמר שאול אל מיכל למה ככה רמיתני ותשלחי את איבי וימלט ותאמר מיכל אל שאול הוא אמר אלי שלחני למה אמיתך׃