Saul

265 פסוקים · 11 בני משפחה

פסוקים המזכירים את Saul

סינון לפי ספר
  1. 1 שְׁמוּאֵל י״ח:י״ג

    ויסרהו שאול מעמו וישמהו לו שר אלף ויצא ויבא לפני העם׃

  2. 1 שְׁמוּאֵל י״ח:ט״ו

    וירא שאול אשר הוא משכיל מאד ויגר מפניו׃

  3. 1 שְׁמוּאֵל י״ח:י״ז

    ויאמר שאול אל דוד הנה בתי הגדולה מרב אתה אתן לך לאשה אך היה לי לבן חיל והלחם מלחמות יהוה ושאול אמר אל תהי ידי בו ותהי בו יד פלשתים׃

  4. 1 שְׁמוּאֵל י״ח:י״ח

    ויאמר דוד אל שאול מי אנכי ומי חיי משפחת אבי בישראל כי אהיה חתן למלך׃

  5. 1 שְׁמוּאֵל י״ח:י״ט

    ויהי בעת תת את מרב בת שאול לדוד והיא נתנה לעדריאל המחלתי לאשה׃

  6. 1 שְׁמוּאֵל י״ח:כ׳

    ותאהב מיכל בת שאול את דוד ויגדו לשאול וישר הדבר בעיניו׃

  7. 1 שְׁמוּאֵל י״ח:כ״א

    ויאמר שאול אתננה לו ותהי לו למוקש ותהי בו יד פלשתים ויאמר שאול אל דוד בשתים תתחתן בי היום׃

  8. 1 שְׁמוּאֵל י״ח:כ״ב

    ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלך׃

  9. 1 שְׁמוּאֵל י״ח:כ״ג

    וידברו עבדי שאול באזני דוד את הדברים האלה ויאמר דוד הנקלה בעיניכם התחתן במלך ואנכי איש רש ונקלה׃

  10. 1 שְׁמוּאֵל י״ח:כ״ד

    ויגדו עבדי שאול לו לאמר כדברים האלה דבר דוד׃

  11. 1 שְׁמוּאֵל י״ח:כ״ה

    ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתים׃

  12. 1 שְׁמוּאֵל י״ח:כ״ז

    ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה׃

  13. 1 שְׁמוּאֵל י״ח:כ״ח

    וירא שאול וידע כי יהוה עם דוד ומיכל בת שאול אהבתהו׃

  14. 1 שְׁמוּאֵל י״ח:כ״ט

    ויאסף שאול לרא מפני דוד עוד ויהי שאול איב את דוד כל הימים׃

  15. 1 שְׁמוּאֵל י״ח:ל׳

    ויצאו שרי פלשתים ויהי מדי צאתם שכל דוד מכל עבדי שאול וייקר שמו מאד׃

  16. 1 שְׁמוּאֵל י״ט:א׳

    ¶ וידבר שאול אל יונתן בנו ואל כל עבדיו להמית את דוד ויהונתן בן שאול חפץ בדוד מאד׃

  17. 1 שְׁמוּאֵל י״ט:ב׳

    ויגד יהונתן לדוד לאמר מבקש שאול אבי להמיתך ועתה השמר נא בבקר וישבת בסתר ונחבאת׃

  18. 1 שְׁמוּאֵל י״ט:ד׳

    וידבר יהונתן בדוד טוב אל שאול אביו ויאמר אליו אל יחטא המלך בעבדו בדוד כי לוא חטא לך וכי מעשיו טוב לך מאד׃

  19. 1 שְׁמוּאֵל י״ט:ו׳

    וישמע שאול בקול יהונתן וישבע שאול חי יהוה אם יומת׃

  20. 1 שְׁמוּאֵל י״ט:ז׳

    ויקרא יהונתן לדוד ויגד לו יהונתן את כל הדברים האלה ויבא יהונתן את דוד אל שאול ויהי לפניו כאתמול שלשום׃

  21. 1 שְׁמוּאֵל י״ט:ט׳

    ותהי רוח יהוה רעה אל שאול והוא בביתו יושב וחניתו בידו ודוד מנגן ביד׃

  22. 1 שְׁמוּאֵל י״ט:י׳

    ויבקש שאול להכות בחנית בדוד ובקיר ויפטר מפני שאול ויך את החנית בקיר ודוד נס וימלט בלילה הוא׃

  23. 1 שְׁמוּאֵל י״ט:י״א

    וישלח שאול מלאכים אל בית דוד לשמרו ולהמיתו בבקר ותגד לדוד מיכל אשתו לאמר אם אינך ממלט את נפשך הלילה מחר אתה מומת׃

  24. 1 שְׁמוּאֵל י״ט:י״ד

    וישלח שאול מלאכים לקחת את דוד ותאמר חלה הוא׃

  25. 1 שְׁמוּאֵל י״ט:ט״ו

    וישלח שאול את המלאכים לראות את דוד לאמר העלו אתו במטה אלי להמתו׃