Saul

265 פסוקים · 11 בני משפחה

פסוקים המזכירים את Saul

סינון לפי ספר
  1. 1 שְׁמוּאֵל י״א:ו׳

    ותצלח רוח אלהים על שאול בשמעו את הדברים האלה ויחר אפו מאד׃

  2. 1 שְׁמוּאֵל י״א:ז׳

    ויקח צמד בקר וינתחהו וישלח בכל גבול ישראל ביד המלאכים לאמר אשר איננו יצא אחרי שאול ואחר שמואל כה יעשה לבקרו ויפל פחד יהוה על העם ויצאו כאיש אחד׃

  3. 1 שְׁמוּאֵל י״א:י״א

    ויהי ממחרת וישם שאול את העם שלשה ראשים ויבאו בתוך המחנה באשמרת הבקר ויכו את עמון עד חם היום ויהי הנשארים ויפצו ולא נשארו בם שנים יחד׃

  4. 1 שְׁמוּאֵל י״א:י״ב

    ויאמר העם אל שמואל מי האמר שאול ימלך עלינו תנו האנשים ונמיתם׃

  5. 1 שְׁמוּאֵל י״א:י״ג

    ויאמר שאול לא יומת איש ביום הזה כי היום עשה יהוה תשועה בישראל׃

  6. 1 שְׁמוּאֵל י״א:ט״ו

    וילכו כל העם הגלגל וימלכו שם את שאול לפני יהוה בגלגל ויזבחו שם זבחים שלמים לפני יהוה וישמח שם שאול וכל אנשי ישראל עד מאד׃

  7. 1 שְׁמוּאֵל י״ג:א׳

    ¶ בן שנה שאול במלכו ושתי שנים מלך על ישראל׃

  8. 1 שְׁמוּאֵל י״ג:ב׳

    ויבחר לו שאול שלשת אלפים מישראל ויהיו עם שאול אלפים במכמש ובהר בית אל ואלף היו עם יונתן בגבעת בנימין ויתר העם שלח איש לאהליו׃

  9. 1 שְׁמוּאֵל י״ג:ג׳

    ויך יונתן את נציב פלשתים אשר בגבע וישמעו פלשתים ושאול תקע בשופר בכל הארץ לאמר ישמעו העברים׃

  10. 1 שְׁמוּאֵל י״ג:ד׳

    וכל ישראל שמעו לאמר הכה שאול את נציב פלשתים וגם נבאש ישראל בפלשתים ויצעקו העם אחרי שאול הגלגל׃

  11. 1 שְׁמוּאֵל י״ג:ז׳

    ועברים עברו את הירדן ארץ גד וגלעד ושאול עודנו בגלגל וכל העם חרדו אחריו׃

  12. 1 שְׁמוּאֵל י״ג:ט׳

    ויאמר שאול הגשו אלי העלה והשלמים ויעל העלה׃

  13. 1 שְׁמוּאֵל י״ג:י׳

    ויהי ככלתו להעלות העלה והנה שמואל בא ויצא שאול לקראתו לברכו׃

  14. 1 שְׁמוּאֵל י״ג:י״א

    ויאמר שמואל מה עשית ויאמר שאול כי ראיתי כי נפץ העם מעלי ואתה לא באת למועד הימים ופלשתים נאספים מכמש׃

  15. 1 שְׁמוּאֵל י״ג:י״ג

    ויאמר שמואל אל שאול נסכלת לא שמרת את מצות יהוה אלהיך אשר צוך כי עתה הכין יהוה את ממלכתך אל ישראל עד עולם׃

  16. 1 שְׁמוּאֵל י״ג:ט״ו

    ויקם שמואל ויעל מן הגלגל גבעת בנימן ויפקד שאול את העם הנמצאים עמו כשש מאות איש׃

  17. 1 שְׁמוּאֵל י״ג:ט״ז

    ושאול ויונתן בנו והעם הנמצא עמם ישבים בגבע בנימן ופלשתים חנו במכמש׃

  18. 1 שְׁמוּאֵל י״ג:כ״ב

    והיה ביום מלחמת ולא נמצא חרב וחנית ביד כל העם אשר את שאול ואת יונתן ותמצא לשאול וליונתן בנו׃

  19. 1 שְׁמוּאֵל י״ד:א׳

    ¶ ויהי היום ויאמר יונתן בן שאול אל הנער נשא כליו לכה ונעברה אל מצב פלשתים אשר מעבר הלז ולאביו לא הגיד׃

  20. 1 שְׁמוּאֵל י״ד:ב׳

    ושאול יושב בקצה הגבעה תחת הרמון אשר במגרון והעם אשר עמו כשש מאות איש׃

  21. 1 שְׁמוּאֵל י״ד:ט״ז

    ויראו הצפים לשאול בגבעת בנימן והנה ההמון נמוג וילך והלם׃

  22. 1 שְׁמוּאֵל י״ד:י״ז

    ויאמר שאול לעם אשר אתו פקדו נא וראו מי הלך מעמנו ויפקדו והנה אין יונתן ונשא כליו׃

  23. 1 שְׁמוּאֵל י״ד:י״ח

    ויאמר שאול לאחיה הגישה ארון האלהים כי היה ארון האלהים ביום ההוא ובני ישראל׃

  24. 1 שְׁמוּאֵל י״ד:י״ט

    ויהי עד דבר שאול אל הכהן וההמון אשר במחנה פלשתים וילך הלוך ורב ויאמר שאול אל הכהן אסף ידך׃

  25. 1 שְׁמוּאֵל י״ד:כ׳

    ויזעק שאול וכל העם אשר אתו ויבאו עד המלחמה והנה היתה חרב איש ברעהו מהומה גדולה מאד׃