Moses

774 פסוקים · 7 בני משפחה

פסוקים המזכירים את Moses

סינון לפי ספר
  1. שְׁמֹות ט״ז:כ״ה

    ויאמר משה אכלהו היום כי שבת היום ליהוה היום לא תמצאהו בשדה׃

  2. שְׁמֹות ט״ז:כ״ח

    ויאמר יהוה אל משה עד אנה מאנתם לשמר מצותי ותורתי׃

  3. שְׁמֹות ט״ז:ל״ב

    ויאמר משה זה הדבר אשר צוה יהוה מלא העמר ממנו למשמרת לדרתיכם למען יראו את הלחם אשר האכלתי אתכם במדבר בהוציאי אתכם מארץ מצרים׃

  4. שְׁמֹות ט״ז:ל״ג

    ויאמר משה אל אהרן קח צנצנת אחת ותן שמה מלא העמר מן והנח אתו לפני יהוה למשמרת לדרתיכם׃

  5. שְׁמֹות ט״ז:ל״ד

    כאשר צוה יהוה אל משה ויניחהו אהרן לפני העדת למשמרת׃

  6. שְׁמֹות י״ז:ב׳

    וירב העם עם משה ויאמרו תנו לנו מים ונשתה ויאמר להם משה מה תריבון עמדי מה תנסון את יהוה׃

  7. שְׁמֹות י״ז:ג׳

    ויצמא שם העם למים וילן העם על משה ויאמר למה זה העליתנו ממצרים להמית אתי ואת בני ואת מקני בצמא׃

  8. שְׁמֹות י״ז:ד׳

    ויצעק משה אל יהוה לאמר מה אעשה לעם הזה עוד מעט וסקלני׃

  9. שְׁמֹות י״ז:ה׳

    ויאמר יהוה אל משה עבר לפני העם וקח אתך מזקני ישראל ומטך אשר הכית בו את היאר קח בידך והלכת׃

  10. שְׁמֹות י״ז:ו׳

    הנני עמד לפניך שם על הצור בחרב והכית בצור ויצאו ממנו מים ושתה העם ויעש כן משה לעיני זקני ישראל׃

  11. שְׁמֹות י״ז:ט׳

    ויאמר משה אל יהושע בחר לנו אנשים וצא הלחם בעמלק מחר אנכי נצב על ראש הגבעה ומטה האלהים בידי׃

  12. שְׁמֹות י״ז:י׳

    ויעש יהושע כאשר אמר לו משה להלחם בעמלק ומשה אהרן וחור עלו ראש הגבעה׃

  13. שְׁמֹות י״ז:י״א

    והיה כאשר ירים משה ידו וגבר ישראל וכאשר יניח ידו וגבר עמלק׃

  14. שְׁמֹות י״ז:י״ד

    ויאמר יהוה אל משה כתב זאת זכרון בספר ושים באזני יהושע כי מחה אמחה את זכר עמלק מתחת השמים׃

  15. שְׁמֹות י״ז:ט״ו

    ויבן משה מזבח ויקרא שמו יהוה נסי׃

  16. שְׁמֹות י״ח:א׳

    ¶ וישמע יתרו כהן מדין חתן משה את כל אשר עשה אלהים למשה ולישראל עמו כי הוציא יהוה את ישראל ממצרים׃

  17. שְׁמֹות י״ח:ה׳

    ויבא יתרו חתן משה ובניו ואשתו אל משה אל המדבר אשר הוא חנה שם הר האלהים׃

  18. שְׁמֹות י״ח:ו׳

    ויאמר אל משה אני חתנך יתרו בא אליך ואשתך ושני בניה עמה׃

  19. שְׁמֹות י״ח:ז׳

    ויצא משה לקראת חתנו וישתחו וישק לו וישאלו איש לרעהו לשלום ויבאו האהלה׃

  20. שְׁמֹות י״ח:ח׳

    ויספר משה לחתנו את כל אשר עשה יהוה לפרעה ולמצרים על אודת ישראל את כל התלאה אשר מצאתם בדרך ויצלם יהוה׃

  21. שְׁמֹות י״ח:י״ג

    ויהי ממחרת וישב משה לשפט את העם ויעמד העם על משה מן הבקר עד הערב׃

  22. שְׁמֹות י״ח:ט״ו

    ויאמר משה לחתנו כי יבא אלי העם לדרש אלהים׃

  23. שְׁמֹות י״ח:כ״ד

    וישמע משה לקול חתנו ויעש כל אשר אמר׃

  24. שְׁמֹות י״ח:כ״ה

    ויבחר משה אנשי חיל מכל ישראל ויתן אתם ראשים על העם שרי אלפים שרי מאות שרי חמשים ושרי עשרת׃

  25. שְׁמֹות י״ח:כ״ו

    ושפטו את העם בכל עת את הדבר הקשה יביאון אל משה וכל הדבר הקטן ישפוטו הם׃