Moses

774 פסוקים · 7 בני משפחה

פסוקים המזכירים את Moses

סינון לפי ספר
  1. שְׁמֹות י״ח:כ״ז

    וישלח משה את חתנו וילך לו אל ארצו׃

  2. שְׁמֹות י״ט:ג׳

    ומשה עלה אל האלהים ויקרא אליו יהוה מן ההר לאמר כה תאמר לבית יעקב ותגיד לבני ישראל׃

  3. שְׁמֹות י״ט:ז׳

    ויבא משה ויקרא לזקני העם וישם לפניהם את כל הדברים האלה אשר צוהו יהוה׃

  4. שְׁמֹות י״ט:ח׳

    ויענו כל העם יחדו ויאמרו כל אשר דבר יהוה נעשה וישב משה את דברי העם אל יהוה׃

  5. שְׁמֹות י״ט:ט׳

    ויאמר יהוה אל משה הנה אנכי בא אליך בעב הענן בעבור ישמע העם בדברי עמך וגם בך יאמינו לעולם ויגד משה את דברי העם אל יהוה׃

  6. שְׁמֹות י״ט:י׳

    ויאמר יהוה אל משה לך אל העם וקדשתם היום ומחר וכבסו שמלתם׃

  7. שְׁמֹות י״ט:י״ד

    וירד משה מן ההר אל העם ויקדש את העם ויכבסו שמלתם׃

  8. שְׁמֹות י״ט:י״ז

    ויוצא משה את העם לקראת האלהים מן המחנה ויתיצבו בתחתית ההר׃

  9. שְׁמֹות י״ט:י״ט

    ויהי קול השופר הולך וחזק מאד משה ידבר והאלהים יעננו בקול׃

  10. שְׁמֹות י״ט:כ׳

    וירד יהוה על הר סיני אל ראש ההר ויקרא יהוה למשה אל ראש ההר ויעל משה׃

  11. שְׁמֹות י״ט:כ״א

    ויאמר יהוה אל משה רד העד בעם פן יהרסו אל יהוה לראות ונפל ממנו רב׃

  12. שְׁמֹות י״ט:כ״ג

    ויאמר משה אל יהוה לא יוכל העם לעלת אל הר סיני כי אתה העדתה בנו לאמר הגבל את ההר וקדשתו׃

  13. שְׁמֹות י״ט:כ״ה

    וירד משה אל העם ויאמר אלהם׃

  14. שְׁמֹות כ׳:י״ט

    ויאמרו אל משה דבר אתה עמנו ונשמעה ואל ידבר עמנו אלהים פן נמות׃

  15. שְׁמֹות כ׳:כ׳

    ויאמר משה אל העם אל תיראו כי לבעבור נסות אתכם בא האלהים ובעבור תהיה יראתו על פניכם לבלתי תחטאו׃

  16. שְׁמֹות כ׳:כ״א

    ויעמד העם מרחק ומשה נגש אל הערפל אשר שם האלהים׃

  17. שְׁמֹות כ׳:כ״ב

    ויאמר יהוה אל משה כה תאמר אל בני ישראל אתם ראיתם כי מן השמים דברתי עמכם׃

  18. שְׁמֹות כ״ד:א׳

    ¶ ואל משה אמר עלה אל יהוה אתה ואהרן נדב ואביהוא ושבעים מזקני ישראל והשתחויתם מרחק׃

  19. שְׁמֹות כ״ד:ב׳

    ונגש משה לבדו אל יהוה והם לא יגשו והעם לא יעלו עמו׃

  20. שְׁמֹות כ״ד:ג׳

    ויבא משה ויספר לעם את כל דברי יהוה ואת כל המשפטים ויען כל העם קול אחד ויאמרו כל הדברים אשר דבר יהוה נעשה׃

  21. שְׁמֹות כ״ד:ד׳

    ויכתב משה את כל דברי יהוה וישכם בבקר ויבן מזבח תחת ההר ושתים עשרה מצבה לשנים עשר שבטי ישראל׃

  22. שְׁמֹות כ״ד:ו׳

    ויקח משה חצי הדם וישם באגנת וחצי הדם זרק על המזבח׃

  23. שְׁמֹות כ״ד:ח׳

    ויקח משה את הדם ויזרק על העם ויאמר הנה דם הברית אשר כרת יהוה עמכם על כל הדברים האלה׃

  24. שְׁמֹות כ״ד:ט׳

    ויעל משה ואהרן נדב ואביהוא ושבעים מזקני ישראל׃

  25. שְׁמֹות כ״ד:י״ב

    ויאמר יהוה אל משה עלה אלי ההרה והיה שם ואתנה לך את לחת האבן והתורה והמצוה אשר כתבתי להורתם׃