Moses

774 פסוקים · 7 בני משפחה

פסוקים המזכירים את Moses

סינון לפי ספר
  1. שְׁמֹות ל״ב:ל״א

    וישב משה אל יהוה ויאמר אנא חטא העם הזה חטאה גדלה ויעשו להם אלהי זהב׃

  2. שְׁמֹות ל״ב:ל״ג

    ויאמר יהוה אל משה מי אשר חטא לי אמחנו מספרי׃

  3. שְׁמֹות ל״ג:א׳

    ¶ וידבר יהוה אל משה לך עלה מזה אתה והעם אשר העלית מארץ מצרים אל הארץ אשר נשבעתי לאברהם ליצחק וליעקב לאמר לזרעך אתננה׃

  4. שְׁמֹות ל״ג:ה׳

    ויאמר יהוה אל משה אמר אל בני ישראל אתם עם קשה ערף רגע אחד אעלה בקרבך וכליתיך ועתה הורד עדיך מעליך ואדעה מה אעשה לך׃

  5. שְׁמֹות ל״ג:ז׳

    ומשה יקח את האהל ונטה לו מחוץ למחנה הרחק מן המחנה וקרא לו אהל מועד והיה כל מבקש יהוה יצא אל אהל מועד אשר מחוץ למחנה׃

  6. שְׁמֹות ל״ג:ח׳

    והיה כצאת משה אל האהל יקומו כל העם ונצבו איש פתח אהלו והביטו אחרי משה עד באו האהלה׃

  7. שְׁמֹות ל״ג:ט׳

    והיה כבא משה האהלה ירד עמוד הענן ועמד פתח האהל ודבר עם משה׃

  8. שְׁמֹות ל״ג:י״א

    ודבר יהוה אל משה פנים אל פנים כאשר ידבר איש אל רעהו ושב אל המחנה ומשרתו יהושע בן נון נער לא ימיש מתוך האהל׃

  9. שְׁמֹות ל״ג:י״ב

    ויאמר משה אל יהוה ראה אתה אמר אלי העל את העם הזה ואתה לא הודעתני את אשר תשלח עמי ואתה אמרת ידעתיך בשם וגם מצאת חן בעיני׃

  10. שְׁמֹות ל״ג:י״ז

    ויאמר יהוה אל משה גם את הדבר הזה אשר דברת אעשה כי מצאת חן בעיני ואדעך בשם׃

  11. שְׁמֹות ל״ד:א׳

    ¶ ויאמר יהוה אל משה פסל לך שני לחת אבנים כראשנים וכתבתי על הלחת את הדברים אשר היו על הלחת הראשנים אשר שברת׃

  12. שְׁמֹות ל״ד:ד׳

    ויפסל שני לחת אבנים כראשנים וישכם משה בבקר ויעל אל הר סיני כאשר צוה יהוה אתו ויקח בידו שני לחת אבנים׃

  13. שְׁמֹות ל״ד:ח׳

    וימהר משה ויקד ארצה וישתחו׃

  14. שְׁמֹות ל״ד:כ״ז

    ויאמר יהוה אל משה כתב לך את הדברים האלה כי על פי הדברים האלה כרתי אתך ברית ואת ישראל׃

  15. שְׁמֹות ל״ד:כ״ט

    ויהי ברדת משה מהר סיני ושני לחת העדת ביד משה ברדתו מן ההר ומשה לא ידע כי קרן עור פניו בדברו אתו׃

  16. שְׁמֹות ל״ד:ל׳

    וירא אהרן וכל בני ישראל את משה והנה קרן עור פניו וייראו מגשת אליו׃

  17. שְׁמֹות ל״ד:ל״א

    ויקרא אלהם משה וישבו אליו אהרן וכל הנשאים בעדה וידבר משה אלהם׃

  18. שְׁמֹות ל״ד:ל״ג

    ויכל משה מדבר אתם ויתן על פניו מסוה׃

  19. שְׁמֹות ל״ד:ל״ד

    ובבא משה לפני יהוה לדבר אתו יסיר את המסוה עד צאתו ויצא ודבר אל בני ישראל את אשר יצוה׃

  20. שְׁמֹות ל״ד:ל״ה

    וראו בני ישראל את פני משה כי קרן עור פני משה והשיב משה את המסוה על פניו עד באו לדבר אתו׃

  21. שְׁמֹות ל״ה:א׳

    ¶ ויקהל משה את כל עדת בני ישראל ויאמר אלהם אלה הדברים אשר צוה יהוה לעשת אתם׃

  22. שְׁמֹות ל״ה:ד׳

    ויאמר משה אל כל עדת בני ישראל לאמר זה הדבר אשר צוה יהוה לאמר׃

  23. שְׁמֹות ל״ה:כ׳

    ויצאו כל עדת בני ישראל מלפני משה׃

  24. שְׁמֹות ל״ה:כ״ט

    כל איש ואשה אשר נדב לבם אתם להביא לכל המלאכה אשר צוה יהוה לעשות ביד משה הביאו בני ישראל נדבה ליהוה׃

  25. שְׁמֹות ל״ה:ל׳

    ויאמר משה אל בני ישראל ראו קרא יהוה בשם בצלאל בן אורי בן חור למטה יהודה׃