Israel

1,007 פסוקים · 20 בני משפחה

ידוע גם בשם: Jacob

פסוקים המזכירים את Israel

סינון לפי ספר
  1. יְשַׁעְיָהוּ י׳:כ׳

    והיה ביום ההוא לא יוסיף עוד שאר ישראל ופליטת בית יעקב להשען על מכהו ונשען על יהוה קדוש ישראל באמת׃

  2. יְשַׁעְיָהוּ י׳:כ״א

    שאר ישוב שאר יעקב אל אל גבור׃

  3. יְשַׁעְיָהוּ י״ד:א׳

    ¶ כי ירחם יהוה את יעקב ובחר עוד בישראל והניחם על אדמתם ונלוה הגר עליהם ונספחו על בית יעקב׃

  4. יְשַׁעְיָהוּ י״ז:ג׳

    ונשבת מבצר מאפרים וממלכה מדמשק ושאר ארם ככבוד בני ישראל יהיו נאם יהוה צבאות׃

  5. יְשַׁעְיָהוּ י״ז:ד׳

    והיה ביום ההוא ידל כבוד יעקב ומשמן בשרו ירזה׃

  6. יְשַׁעְיָהוּ י״ז:ט׳

    ביום ההוא יהיו ערי מעזו כעזובת החרש והאמיר אשר עזבו מפני בני ישראל והיתה שממה׃

  7. יְשַׁעְיָהוּ כ״ז:ו׳

    הבאים ישרש יעקב יציץ ופרח ישראל ומלאו פני תבל תנובה׃

  8. יְשַׁעְיָהוּ כ״ז:ט׳

    לכן בזאת יכפר עון יעקב וזה כל פרי הסר חטאתו בשומו כל אבני מזבח כאבני גר מנפצות לא יקמו אשרים וחמנים׃

  9. יְשַׁעְיָהוּ כ״ז:י״ב

    והיה ביום ההוא יחבט יהוה משבלת הנהר עד נחל מצרים ואתם תלקטו לאחד אחד בני ישראל׃

  10. יְשַׁעְיָהוּ כ״ט:כ״ב

    לכן כה אמר יהוה אל בית יעקב אשר פדה את אברהם לא עתה יבוש יעקב ולא עתה פניו יחורו׃

  11. יְשַׁעְיָהוּ כ״ט:כ״ג

    כי בראתו ילדיו מעשה ידי בקרבו יקדישו שמי והקדישו את קדוש יעקב ואת אלהי ישראל יעריצו׃

  12. יְשַׁעְיָהוּ ל״א:ו׳

    שובו לאשר העמיקו סרה בני ישראל׃

  13. יְשַׁעְיָהוּ מ׳:כ״ז

    למה תאמר יעקב ותדבר ישראל נסתרה דרכי מיהוה ומאלהי משפטי יעבור׃

  14. יְשַׁעְיָהוּ מ״א:ח׳

    ואתה ישראל עבדי יעקב אשר בחרתיך זרע אברהם אהבי׃

  15. יְשַׁעְיָהוּ מ״א:י״ד

    אל תיראי תולעת יעקב מתי ישראל אני עזרתיך נאם יהוה וגאלך קדוש ישראל׃

  16. יְשַׁעְיָהוּ מ״א:כ״א

    קרבו ריבכם יאמר יהוה הגישו עצמותיכם יאמר מלך יעקב׃

  17. יְשַׁעְיָהוּ מ״ב:כ״ד

    מי נתן למשוסה יעקב וישראל לבזזים הלוא יהוה זו חטאנו לו ולא אבו בדרכיו הלוך ולא שמעו בתורתו׃

  18. יְשַׁעְיָהוּ מ״ג:א׳

    ¶ ועתה כה אמר יהוה בראך יעקב ויצרך ישראל אל תירא כי גאלתיך קראתי בשמך לי אתה׃

  19. יְשַׁעְיָהוּ מ״ג:כ״ב

    ולא אתי קראת יעקב כי יגעת בי ישראל׃

  20. יְשַׁעְיָהוּ מ״ג:כ״ח

    ואחלל שרי קדש ואתנה לחרם יעקב וישראל לגדופים׃

  21. יְשַׁעְיָהוּ מ״ד:א׳

    ¶ ועתה שמע יעקב עבדי וישראל בחרתי בו׃

  22. יְשַׁעְיָהוּ מ״ד:ב׳

    כה אמר יהוה עשך ויצרך מבטן יעזרך אל תירא עבדי יעקב וישרון בחרתי בו׃

  23. יְשַׁעְיָהוּ מ״ד:ה׳

    זה יאמר ליהוה אני וזה יקרא בשם יעקב וזה יכתב ידו ליהוה ובשם ישראל יכנה׃

  24. יְשַׁעְיָהוּ מ״ד:כ״א

    זכר אלה יעקב וישראל כי עבדי אתה יצרתיך עבד לי אתה ישראל לא תנשני׃

  25. יְשַׁעְיָהוּ מ״ד:כ״ג

    רנו שמים כי עשה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישראל יתפאר׃