Israel

1,007 פסוקים · 20 בני משפחה

ידוע גם בשם: Jacob

פסוקים המזכירים את Israel

סינון לפי ספר
  1. יְשַׁעְיָהוּ מ״ה:ד׳

    למען עבדי יעקב וישראל בחירי ואקרא לך בשמך אכנך ולא ידעתני׃

  2. יְשַׁעְיָהוּ מ״ה:י״ט

    לא בסתר דברתי במקום ארץ חשך לא אמרתי לזרע יעקב תהו בקשוני אני יהוה דבר צדק מגיד מישרים׃

  3. יְשַׁעְיָהוּ מ״ו:ג׳

    שמעו אלי בית יעקב וכל שארית בית ישראל העמסים מני בטן הנשאים מני רחם׃

  4. יְשַׁעְיָהוּ מ״ח:א׳

    ¶ שמעו זאת בית יעקב הנקראים בשם ישראל וממי יהודה יצאו הנשבעים בשם יהוה ובאלהי ישראל יזכירו לא באמת ולא בצדקה׃

  5. יְשַׁעְיָהוּ מ״ח:י״ב

    שמע אלי יעקב וישראל מקראי אני הוא אני ראשון אף אני אחרון׃

  6. יְשַׁעְיָהוּ מ״ח:כ׳

    צאו מבבל ברחו מכשדים בקול רנה הגידו השמיעו זאת הוציאוה עד קצה הארץ אמרו גאל יהוה עבדו יעקב׃

  7. יְשַׁעְיָהוּ מ״ט:ה׳

    ועתה אמר יהוה יצרי מבטן לעבד לו לשובב יעקב אליו וישראל לא יאסף ואכבד בעיני יהוה ואלהי היה עזי׃

  8. יְשַׁעְיָהוּ מ״ט:ו׳

    ויאמר נקל מהיותך לי עבד להקים את שבטי יעקב ונצירי ישראל להשיב ונתתיך לאור גוים להיות ישועתי עד קצה הארץ׃

  9. יְשַׁעְיָהוּ מ״ט:כ״ו

    והאכלתי את מוניך את בשרם וכעסיס דמם ישכרון וידעו כל בשר כי אני יהוה מושיעך וגאלך אביר יעקב׃

  10. יְשַׁעְיָהוּ נ״ח:א׳

    ¶ קרא בגרון אל תחשך כשופר הרם קולך והגד לעמי פשעם ולבית יעקב חטאתם׃

  11. יְשַׁעְיָהוּ נ״ח:י״ד

    אז תתענג על יהוה והרכבתיך על במותי ארץ והאכלתיך נחלת יעקב אביך כי פי יהוה דבר׃

  12. יְשַׁעְיָהוּ נ״ט:כ׳

    ובא לציון גואל ולשבי פשע ביעקב נאם יהוה׃

  13. יְשַׁעְיָהוּ ס׳:ט״ז

    וינקת חלב גוים ושד מלכים תינקי וידעת כי אני יהוה מושיעך וגאלך אביר יעקב׃

  14. יְשַׁעְיָהוּ ס״ה:ט׳

    והוצאתי מיעקב זרע ומיהודה יורש הרי וירשוה בחירי ועבדי ישכנו שמה׃

  15. יְשַׁעְיָהוּ ס״ו:כ׳

    והביאו את כל אחיכם מכל הגוים מנחה ליהוה בסוסים וברכב ובצבים ובפרדים ובכרכרות על הר קדשי ירושלם אמר יהוה כאשר יביאו בני ישראל את המנחה בכלי טהור בית יהוה׃

  16. יִרְמְיָהוּ ב׳:ד׳

    שמעו דבר יהוה בית יעקב וכל משפחות בית ישראל׃

  17. יִרְמְיָהוּ ג׳:כ״א

    קול על שפיים נשמע בכי תחנוני בני ישראל כי העוו את דרכם שכחו את יהוה אלהיהם׃

  18. יִרְמְיָהוּ ה׳:כ׳

    הגידו זאת בבית יעקב והשמיעוה ביהודה לאמר׃

  19. יִרְמְיָהוּ י׳:ט״ז

    לא כאלה חלק יעקב כי יוצר הכל הוא וישראל שבט נחלתו יהוה צבאות שמו׃

  20. יִרְמְיָהוּ י׳:כ״ה

    שפך חמתך על הגוים אשר לא ידעוך ועל משפחות אשר בשמך לא קראו כי אכלו את יעקב ואכלהו ויכלהו ואת נוהו השמו׃

  21. יִרְמְיָהוּ ט״ז:י״ד

    לכן הנה ימים באים נאם יהוה ולא יאמר עוד חי יהוה אשר העלה את בני ישראל מארץ מצרים׃

  22. יִרְמְיָהוּ ט״ז:ט״ו

    כי אם חי יהוה אשר העלה את בני ישראל מארץ צפון ומכל הארצות אשר הדיחם שמה והשבתים על אדמתם אשר נתתי לאבותם׃

  23. יִרְמְיָהוּ כ״ג:ז׳

    לכן הנה ימים באים נאם יהוה ולא יאמרו עוד חי יהוה אשר העלה את בני ישראל מארץ מצרים׃

  24. יִרְמְיָהוּ ל׳:ז׳

    הוי כי גדול היום ההוא מאין כמהו ועת צרה היא ליעקב וממנה יושע׃

  25. יִרְמְיָהוּ ל׳:י׳

    ואתה אל תירא עבדי יעקב נאם יהוה ואל תחת ישראל כי הנני מושיעך מרחוק ואת זרעך מארץ שבים ושב יעקב ושקט ושאנן ואין מחריד׃