עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 2 דִּבְרֵי הַיָּמִים ל״א:ח׳

    ויבאו יחזקיהו והשרים ויראו את הערמות ויברכו את יהוה ואת עמו ישראל׃

  2. 2 דִּבְרֵי הַיָּמִים ל״א:י׳

    ויאמר אליו עזריהו הכהן הראש לבית צדוק ויאמר מהחל התרומה לביא בית יהוה אכול ושבוע והותר עד לרוב כי יהוה ברך את עמו והנותר את ההמון הזה׃

  3. 2 דִּבְרֵי הַיָּמִים ל״א:י״א

    ויאמר יחזקיהו להכין לשכות בבית יהוה ויכינו׃

  4. 2 דִּבְרֵי הַיָּמִים ל״א:י״ג

    ויחיאל ועזזיהו ונחת ועשהאל וירימות ויוזבד ואליאל ויסמכיהו ומחת ובניהו פקידים מיד כונניהו ושמעי אחיו במפקד יחזקיהו המלך ועזריהו נגיד בית האלהים׃

  5. 2 דִּבְרֵי הַיָּמִים ל״א:י״ד

    וקורא בן ימנה הלוי השוער למזרחה על נדבות האלהים לתת תרומת יהוה וקדשי הקדשים׃

  6. 2 דִּבְרֵי הַיָּמִים ל״א:ט״ז

    מלבד התיחשם לזכרים מבן שלוש שנים ולמעלה לכל הבא לבית יהוה לדבר יום ביומו לעבודתם במשמרותם כמחלקותיהם׃

  7. 2 דִּבְרֵי הַיָּמִים ל״א:כ׳

    ויעש כזאת יחזקיהו בכל יהודה ויעש הטוב והישר והאמת לפני יהוה אלהיו׃

  8. 2 דִּבְרֵי הַיָּמִים ל״א:כ״א

    ובכל מעשה אשר החל בעבודת בית האלהים ובתורה ובמצוה לדרש לאלהיו בכל לבבו עשה והצליח׃

  9. 2 דִּבְרֵי הַיָּמִים ל״ב:ח׳

    עמו זרוע בשר ועמנו יהוה אלהינו לעזרנו ולהלחם מלחמתנו ויסמכו העם על דברי יחזקיהו מלך יהודה׃

  10. 2 דִּבְרֵי הַיָּמִים ל״ב:י״א

    הלא יחזקיהו מסית אתכם לתת אתכם למות ברעב ובצמא לאמר יהוה אלהינו יצילנו מכף מלך אשור׃

  11. 2 דִּבְרֵי הַיָּמִים ל״ב:י״ד

    מי בכל אלהי הגוים האלה אשר החרימו אבותי אשר יכול להציל את עמו מידי כי יוכל אלהיכם להציל אתכם מידי׃

  12. 2 דִּבְרֵי הַיָּמִים ל״ב:ט״ו

    ועתה אל ישיא אתכם חזקיהו ואל יסית אתכם כזאת ואל תאמינו לו כי לא יוכל כל אלוה כל גוי וממלכה להציל עמו מידי ומיד אבותי אף כי אלהיכם לא יצילו אתכם מידי׃

  13. 2 דִּבְרֵי הַיָּמִים ל״ב:ט״ז

    ועוד דברו עבדיו על יהוה האלהים ועל יחזקיהו עבדו׃

  14. 2 דִּבְרֵי הַיָּמִים ל״ב:י״ז

    וספרים כתב לחרף ליהוה אלהי ישראל ולאמר עליו לאמר כאלהי גוי הארצות אשר לא הצילו עמם מידי כן לא יציל אלהי יחזקיהו עמו מידי׃

  15. 2 דִּבְרֵי הַיָּמִים ל״ב:י״ט

    וידברו אל אלהי ירושלם כעל אלהי עמי הארץ מעשה ידי האדם׃

  16. 2 דִּבְרֵי הַיָּמִים ל״ב:כ״א

    וישלח יהוה מלאך ויכחד כל גבור חיל ונגיד ושר במחנה מלך אשור וישב בבשת פנים לארצו ויבא בית אלהיו ומיציאו מעיו שם הפילהו בחרב׃

  17. 2 דִּבְרֵי הַיָּמִים ל״ב:כ״ב

    ויושע יהוה את יחזקיהו ואת ישבי ירושלם מיד סנחריב מלך אשור ומיד כל וינהלם מסביב׃

  18. 2 דִּבְרֵי הַיָּמִים ל״ב:כ״ג

    ורבים מביאים מנחה ליהוה לירושלם ומגדנות ליחזקיהו מלך יהודה וינשא לעיני כל הגוים מאחרי כן׃

  19. 2 דִּבְרֵי הַיָּמִים ל״ב:כ״ד

    בימים ההם חלה יחזקיהו עד למות ויתפלל אל יהוה ויאמר לו ומופת נתן לו׃

  20. 2 דִּבְרֵי הַיָּמִים ל״ב:כ״ו

    ויכנע יחזקיהו בגבה לבו הוא וישבי ירושלם ולא בא עליהם קצף יהוה בימי יחזקיהו׃

  21. 2 דִּבְרֵי הַיָּמִים ל״ב:כ״ט

    וערים עשה לו ומקנה צאן ובקר לרב כי נתן לו אלהים רכוש רב מאד׃

  22. 2 דִּבְרֵי הַיָּמִים ל״ב:ל״א

    וכן במליצי שרי בבל המשלחים עליו לדרש המופת אשר היה בארץ עזבו האלהים לנסותו לדעת כל בלבבו׃

  23. 2 דִּבְרֵי הַיָּמִים ל״ג:ב׳

    ויעש הרע בעיני יהוה כתועבות הגוים אשר הוריש יהוה מפני בני ישראל׃

  24. 2 דִּבְרֵי הַיָּמִים ל״ג:ד׳

    ובנה מזבחות בבית יהוה אשר אמר יהוה בירושלם יהיה שמי לעולם׃

  25. 2 דִּבְרֵי הַיָּמִים ל״ג:ה׳

    ויבן מזבחות לכל צבא השמים בשתי חצרות בית יהוה׃