עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 2 שְׁמוּאֵל ד׳:ט׳

    ויען דוד את רכב ואת בענה אחיו בני רמון הבארתי ויאמר להם חי יהוה אשר פדה את נפשי מכל צרה׃

  2. 2 שְׁמוּאֵל ה׳:ב׳

    גם אתמול גם שלשום בהיות שאול מלך עלינו אתה הייתה מוציא והמבי את ישראל ויאמר יהוה לך אתה תרעה את עמי את ישראל ואתה תהיה לנגיד על ישראל׃

  3. 2 שְׁמוּאֵל ה׳:ג׳

    ויבאו כל זקני ישראל אל המלך חברונה ויכרת להם המלך דוד ברית בחברון לפני יהוה וימשחו את דוד למלך על ישראל׃

  4. 2 שְׁמוּאֵל ה׳:י׳

    וילך דוד הלוך וגדול ויהוה אלהי צבאות עמו׃

  5. 2 שְׁמוּאֵל ה׳:י״ב

    וידע דוד כי הכינו יהוה למלך על ישראל וכי נשא ממלכתו בעבור עמו ישראל׃

  6. 2 שְׁמוּאֵל ה׳:י״ט

    וישאל דוד ביהוה לאמר האעלה אל פלשתים התתנם בידי ויאמר יהוה אל דוד עלה כי נתן אתן את הפלשתים בידך׃

  7. 2 שְׁמוּאֵל ה׳:כ׳

    ויבא דוד בבעל פרצים ויכם שם דוד ויאמר פרץ יהוה את איבי לפני כפרץ מים על כן קרא שם המקום ההוא בעל פרצים׃

  8. 2 שְׁמוּאֵל ה׳:כ״ג

    וישאל דוד ביהוה ויאמר לא תעלה הסב אל אחריהם ובאת להם ממול בכאים׃

  9. 2 שְׁמוּאֵל ה׳:כ״ד

    ויהי בשמעך את קול צעדה בראשי הבכאים אז תחרץ כי אז יצא יהוה לפניך להכות במחנה פלשתים׃

  10. 2 שְׁמוּאֵל ה׳:כ״ה

    ויעש דוד כן כאשר צוהו יהוה ויך את פלשתים מגבע עד באך גזר׃

  11. 2 שְׁמוּאֵל ו׳:ב׳

    ויקם וילך דוד וכל העם אשר אתו מבעלי יהודה להעלות משם את ארון האלהים אשר נקרא שם שם יהוה צבאות ישב הכרבים עליו׃

  12. 2 שְׁמוּאֵל ו׳:ג׳

    וירכבו את ארון האלהים אל עגלה חדשה וישאהו מבית אבינדב אשר בגבעה ועזא ואחיו בני אבינדב נהגים את העגלה חדשה׃

  13. 2 שְׁמוּאֵל ו׳:ד׳

    וישאהו מבית אבינדב אשר בגבעה עם ארון האלהים ואחיו הלך לפני הארון׃

  14. 2 שְׁמוּאֵל ו׳:ה׳

    ודוד וכל בית ישראל משחקים לפני יהוה בכל עצי ברושים ובכנרות ובנבלים ובתפים ובמנענעים ובצלצלים׃

  15. 2 שְׁמוּאֵל ו׳:ו׳

    ויבאו עד גרן נכון וישלח עזא אל ארון האלהים ויאחז בו כי שמטו הבקר׃

  16. 2 שְׁמוּאֵל ו׳:ז׳

    ויחר אף יהוה בעזה ויכהו שם האלהים על השל וימת שם עם ארון האלהים׃

  17. 2 שְׁמוּאֵל ו׳:ח׳

    ויחר לדוד על אשר פרץ יהוה פרץ בעזה ויקרא למקום ההוא פרץ עזה עד היום הזה׃

  18. 2 שְׁמוּאֵל ו׳:ט׳

    וירא דוד את יהוה ביום ההוא ויאמר איך יבוא אלי ארון יהוה׃

  19. 2 שְׁמוּאֵל ו׳:י׳

    ולא אבה דוד להסיר אליו את ארון יהוה על עיר דוד ויטהו דוד בית עבד אדום הגתי׃

  20. 2 שְׁמוּאֵל ו׳:י״א

    וישב ארון יהוה בית עבד אדם הגתי שלשה חדשים ויברך יהוה את עבד אדם ואת כל ביתו׃

  21. 2 שְׁמוּאֵל ו׳:י״ב

    ויגד למלך דוד לאמר ברך יהוה את בית עבד אדם ואת כל אשר לו בעבור ארון האלהים וילך דוד ויעל את ארון האלהים מבית עבד אדם עיר דוד בשמחה׃

  22. 2 שְׁמוּאֵל ו׳:י״ג

    ויהי כי צעדו נשאי ארון יהוה ששה צעדים ויזבח שור ומריא׃

  23. 2 שְׁמוּאֵל ו׳:י״ד

    ודוד מכרכר בכל עז לפני יהוה ודוד חגור אפוד בד׃

  24. 2 שְׁמוּאֵל ו׳:ט״ו

    ודוד וכל בית ישראל מעלים את ארון יהוה בתרועה ובקול שופר׃

  25. 2 שְׁמוּאֵל ו׳:ט״ז

    והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה׃