עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 2 שְׁמוּאֵל ו׳:י״ז

    ויבאו את ארון יהוה ויצגו אתו במקומו בתוך האהל אשר נטה לו דוד ויעל דוד עלות לפני יהוה ושלמים׃

  2. 2 שְׁמוּאֵל ו׳:י״ח

    ויכל דוד מהעלות העולה והשלמים ויברך את העם בשם יהוה צבאות׃

  3. 2 שְׁמוּאֵל ו׳:כ״א

    ויאמר דוד אל מיכל לפני יהוה אשר בחר בי מאביך ומכל ביתו לצות אתי נגיד על עם יהוה על ישראל ושחקתי לפני יהוה׃

  4. 2 שְׁמוּאֵל ז׳:א׳

    ¶ ויהי כי ישב המלך בביתו ויהוה הניח לו מסביב מכל איביו׃

  5. 2 שְׁמוּאֵל ז׳:ב׳

    ויאמר המלך אל נתן הנביא ראה נא אנכי יושב בבית ארזים וארון האלהים ישב בתוך היריעה׃

  6. 2 שְׁמוּאֵל ז׳:ג׳

    ויאמר נתן אל המלך כל אשר בלבבך לך עשה כי יהוה עמך׃

  7. 2 שְׁמוּאֵל ז׳:ד׳

    ויהי בלילה ההוא ויהי דבר יהוה אל נתן לאמר׃

  8. 2 שְׁמוּאֵל ז׳:ה׳

    לך ואמרת אל עבדי אל דוד כה אמר יהוה האתה תבנה לי בית לשבתי׃

  9. 2 שְׁמוּאֵל ז׳:ו׳

    כי לא ישבתי בבית למיום העלתי את בני ישראל ממצרים ועד היום הזה ואהיה מתהלך באהל ובמשכן׃

  10. 2 שְׁמוּאֵל ז׳:ז׳

    בכל אשר התהלכתי בכל בני ישראל הדבר דברתי את אחד שבטי ישראל אשר צויתי לרעות את עמי את ישראל לאמר למה לא בניתם לי בית ארזים׃

  11. 2 שְׁמוּאֵל ז׳:ח׳

    ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישראל׃

  12. 2 שְׁמוּאֵל ז׳:ט׳

    ואהיה עמך בכל אשר הלכת ואכרתה את כל איביך מפניך ועשתי לך שם גדול כשם הגדלים אשר בארץ׃

  13. 2 שְׁמוּאֵל ז׳:י׳

    ושמתי מקום לעמי לישראל ונטעתיו ושכן תחתיו ולא ירגז עוד ולא יסיפו בני עולה לענותו כאשר בראשונה׃

  14. 2 שְׁמוּאֵל ז׳:י״א

    ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוה׃

  15. 2 שְׁמוּאֵל ז׳:י״ב

    כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו׃

  16. 2 שְׁמוּאֵל ז׳:י״ג

    הוא יבנה בית לשמי וכננתי את כסא ממלכתו עד עולם׃

  17. 2 שְׁמוּאֵל ז׳:י״ד

    אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם׃

  18. 2 שְׁמוּאֵל ז׳:ט״ו

    וחסדי לא יסור ממנו כאשר הסרתי מעם שאול אשר הסרתי מלפניך׃

  19. 2 שְׁמוּאֵל ז׳:י״ח

    ויבא המלך דוד וישב לפני יהוה ויאמר מי אנכי אדני יהוה ומי ביתי כי הביאתני עד הלם׃

  20. 2 שְׁמוּאֵל ז׳:י״ט

    ותקטן עוד זאת בעיניך אדני יהוה ותדבר גם אל בית עבדך למרחוק וזאת תורת האדם אדני יהוה׃

  21. 2 שְׁמוּאֵל ז׳:כ׳

    ומה יוסיף דוד עוד לדבר אליך ואתה ידעת את עבדך אדני יהוה׃

  22. 2 שְׁמוּאֵל ז׳:כ״א

    בעבור דברך וכלבך עשית את כל הגדולה הזאת להודיע את עבדך׃

  23. 2 שְׁמוּאֵל ז׳:כ״ב

    על כן גדלת אדני יהוה כי אין כמוך ואין אלהים זולתך בכל אשר שמענו באזנינו׃

  24. 2 שְׁמוּאֵל ז׳:כ״ג

    ומי כעמך כישראל גוי אחד בארץ אשר הלכו אלהים לפדות לו לעם ולשום לו שם ולעשות לכם הגדולה ונראות לארצך מפני עמך אשר פדית לך ממצרים גוים ואלהיו׃

  25. 2 שְׁמוּאֵל ז׳:כ״ד

    ותכונן לך את עמך ישראל לך לעם עד עולם ואתה יהוה היית להם לאלהים׃