Ayoyin Littafi Mai Tsarki game da Alliance and Society with the Enemies of God: Exhortations to shun all inducements to

Ɗana, in masu zunubi sun jarabce ka, kada ka yarda.

In suka ce, “Zo mu tafi; mu yi kwanton ɓauna, mu nemi wani mu kashe, mu fāɗa wa marasa laifi;

mu haɗiye su da rai gaba ɗaya kamar kabari, kamar waɗanda suke gangarawa zuwa rami;

za mu sami dukiya masu daraja iri-iri, mu kuma cika gidajenmu da ganima;

ka haɗa kai da mu, za mu kuwa raba abin da muka sato”

ɗana, kada ka tafi tare da su, kada ka taka ƙafarka a hanyarsu;

Kada ka sa ƙafa a kan hanyar mugaye kada ka bi gurbin mugaye.

Ka guji mugunta, kada ka yi tafiya a kanta; juya daga gare ta ka yi tafiyarka.

Saboda haka, abokaina ƙaunatattu, da yake kun riga kun san wannan, sai ku zauna a faɗake don kada a ɗauke hankalinku ta wurin kuskuren marasa bin dokan nan har ku fāɗi daga matsayinku.