Hausa

circa 6 BC – AD 30

The Life of Jesus

The eternal Son of God enters history: born in Bethlehem, baptized in the Jordan, crucified at Golgotha, raised on the third day.

3,779 ayoyi · 4 littattafai da aka rufe

Ayoyi daga wannan lokacin

Tsarin Nassi Bisa kwanan wata
Tace bisa littafi
  1. Yohanna 9:30kusan 33 M.

    Sai mutumin ya ce, “Cabɗi, yau ga abin mamaki! Ba ku san inda ya fito ba, ga shi kuwa ya buɗe idanuna.

  2. Yohanna 9:31kusan 33 M.

    Mun san cewa Allah ba ya sauraron masu zunubi. Yakan saurari mai tsoronsa mai aikata nufinsa.

  3. Yohanna 9:32kusan 33 M.

    Ba wanda ya taɓa ji cewa an buɗe idanun wanda aka haifa makaho.

  4. Yohanna 9:33kusan 33 M.

    Da mutumin nan ba daga Allah ba ne, da ba abin da zai iya yi.”

  5. Yohanna 9:34kusan 33 M.

    Sai suka amsa suka ce, “Kai da aka haifa cike da zunubi; za ka yi karambanin koyarwar da mu!” Sai suka kore shi.

  6. Yohanna 9:35kusan 33 M.

    Yesu ya ji labari cewa sun kore shi, da ya same shi kuwa, sai ya ce, “Ka gaskata da Ɗan Mutum?”

  7. Yohanna 9:36kusan 33 M.

    Sai mutumin ya amsa ya ce, “Ranka yă daɗe, wane ne shi? Gaya mini, don in gaskata da shi.”

  8. Yohanna 9:37kusan 33 M.

    Yesu ya ce, “Yanzu ka gan shi; tabbatacce ma, shi ne yake magana da kai.”

  9. Yohanna 9:38kusan 33 M.

    Sai mutumin ya ce, “Ubangiji, na gaskata,” ya kuma yi masa sujada.

  10. Yohanna 9:39kusan 33 M.

    Yesu ya ce, “Saboda shari’a ce na zo duniya nan, saboda makafi su sami ganin gari, waɗanda suke gani kuma su makance.”

  11. Yohanna 9:40kusan 33 M.

    Da Farisiyawan da suke tare da shi suka ji ya faɗi haka sai suka yi tambaya suka ce, “Mene? Mu ma makafi ne?”

  12. Yohanna 9:41kusan 33 M.

    Yesu ya ce, “Ai, da ku makafi ne ma, da ba ku da zunubi, amma da yake kun ce, kuna gani, zunubanku suna nan daram.

  13. Yohanna 10:1kusan 33 M.

    “Gaskiya nake gaya muku, mutumin da bai shiga inda ake ajiye garken tumaki ta ƙofa ba, amma ya hau ta katanga, ɓarawo ne, ɗan fashi kuma.

  14. Yohanna 10:2kusan 33 M.

    Mutumin da ya shiga ta ƙofa makiyayin tumakinsa ne.

  15. Yohanna 10:3kusan 33 M.

    Mai gadin yakan buɗe wa makiyayin ƙofa, tumakin kuma sukan saurari muryarsa. Yakan kira tumakinsa da suna, yă kuma fid da su waje.

  16. Yohanna 10:4kusan 33 M.

    Sa’ad da ya fitar da dukan nasa waje, sai ya ja gabansu, tumakinsa kuma sukan bi shi domin sun san muryarsa.

  17. Yohanna 10:5kusan 33 M.

    Amma ba za su taɓa bin baƙo ba; sai dai ma su guje masa don ba su san muryar baƙo ba.”

  18. Yohanna 10:6kusan 33 M.

    Yesu ya yi musu wannan misali, amma ba su fahimci abin da yake faɗa musu ba.

  19. Yohanna 10:7kusan 33 M.

    Saboda haka Yesu ya sāke cewa, “Gaskiya nake gaya muku, ni ne ƙofar tumakin.

  20. Yohanna 10:8kusan 33 M.

    Duk waɗanda suka riga ni zuwa ɓarayi ne, ’yan fashi kuma, amma tumakin ba su saurare su ba.

  21. Yohanna 10:9kusan 33 M.

    Ni ne ƙofar; duk wanda ya shiga ta wurina zai sami ceto. Zai riƙa shiga yă fita yă kuwa sami wurin kiwo.

  22. Yohanna 10:10kusan 33 M.

    Ɓarawo yakan zo don yă yi sata ne kawai da kisa da kuma ɓarna. Ni kuwa na zo ne don su sami rai, su kuma same shi a yalwace.

  23. Yohanna 10:11kusan 33 M.

    “Ni ne makiyayi mai kyau. Makiyayi mai kyau yakan ba da ransa domin tumakin.

  24. Yohanna 10:12kusan 33 M.

    Wanda aka ɗauko haya ba shi ne makiyayi mai tumakin ba. Saboda haka sa’ad da ya ga kyarkeci yana zuwa, sai yă sheƙa da gudu yă bar tumakin. Sai kyarkecin yă kai wa garken hari, yă kuma watsar da su.

  25. Yohanna 10:13kusan 33 M.

    Mutumin yakan gudu don shi ɗan haya ne kawai, bai kuwa damu da tumakin ba.